Cebuano News: PNoy nagmando sa Gabinete pagtuon sa matag departamento, paghimo ug mga direktiba alang sa kaugmaon
Manila (19 July) -- Si Presidente Benigno S. Aquino III kinsa nagpreparar sa umaabot nga unang State of the Nation Address kon SONA nagmando sa iyang opisyal nga pamilya sa pag-survey sa ilang matag departamento ug magplano sa mga policy directions alang sa ugma damlag.
Ang unang SONA ni Presidente Aquino ipahigayon karong Hulyo 27 atul sa pag-abli sa ika 15th Congress sa Batasang Pambansa.
Matud pa ni Presidential Spokesperson Edwin Lacierda nga si Presidente Aquino nagsugod na sa pagpangandan alang sa State of the Nationa Address, diin nagpakita sa iyang membro sa Kabinete sa straktura ug tono sa iyang mensahe.
Si Lacierda nagkanayon nga ang tigum sa Kabinete karong semanaha maghisgot kabahin sa mga pagtuon sa nagkalainlaing departamento ug ang initial draft alang sa SONA.
Ang SONA usa ka tradisyon sa presidente, diin ang Chief Executive naghatag sa duha ka balay sa Kongreso ug sa katawhan ug tahu sa estado sa nasud lakip na ang mga short ug long-term plans sa gobyerno. (rgcadavos/PIA-soleyte) [top]
