Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 18 June 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2019 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/09/08

Cebuano News: Organic fertilizer gihingusgan, 26 shredding machines sa DA gihatag sa Comval

Compostela Valley Province- Mokabat na karon sa 26 ka mga Shredding Machines gikan sa Bureau of Soils and Water Management (BSWM) sa Department of Agriculture (DA) ang gipanghatag ni Gov. Arturo "Chiongkee" Uy sa mga kalungsuran. Kini aron mas mokusog ang nagapadayong pagpanghimo ug Organic Fertilzers sa mga Comvaleņo sa lalawigan.

Ang Shredding Machine mao ang gamiton sa paggaling sa mga basurang malata kon Bio-Degradable Waste aron mahimong dali ang decomposition (pagkalata) niini, sa ingon mamahimo dayon kining usa ka abonong Organic sulod sa mubong panahon lamang.

Matud ni Assistant Provincial Agriculturist Manolo Serafin Cayme, nga adunay duha ka pamaagi aron mahimong paspas ang proseso sa decomposition sa mga basurang malata human nga kini mapino-pino gikan sa Shredding Machine.

Usa sa mga pamaagi mao ang paghungit sa ginaling nga malatang basura ngadto sa mga wati (Vermi-Composting) aron nga kini kaonon. Ang kinaon sa mga wati kon vermi-cast, mamahimong organic nga abono.

Ang ikaduhang pamaagi matud ni Cayme, mao ang pagbutang sa mga ginaling nga malatang basura ngadto sa usa ka Compost. Didto sa Compost butangan kini sa Fungi nga gitawag ug Trichoderma Harzianum, nga maoy catalyst kon makahimong paspas sa proseso sa decomposition kon pagkalata hangtud nga mamahimo na kining usa ka organic nga abono sa mubong panahon.

Niadtong Septyembre 6, gipanghatag ni Gov. Uy kauban sila SP Members Neri Barte ug Augusto Blanco Jr., ang dugang 15 ka mga Shredding Machines alang sa gipadaghan nga Community Based Composting Facilities (CBCF) sa probinsiya. Tag-usa ka shredding machine ang iyang gihatag sa mga Municipal LGU sa Mabini, New Bataan, Maragusan, ug Maco nga malipayong gidawat sa ilang Municipal Agriculturist. Apil usab niini ang gihatag sa PAGRO head Dr. Rolando Simene aron gamiton paggaling sa malatang mga basura sa kapitolyo.

Gipanghatagan usab sa Gobernador ug tag-usa ka Shredding Machine ang Dauman Irrigators Association ug ang Linoan Farmers Integrated Cooperative sa Montevista, ang Salvacion-Union Agrarian Reform Communal Irrigators Association sa Monkayo, ang Mawab Multi-Purpose Cooperative, ang Mawab Integrated Irrigators' Association, ang Cabacungan Primary Multi-Purpose Cooperative ug ang Basak-Pangutosan CARP Irrigators' Association Incorporated sa Nabunturan. Lakip niini ang tulo ka mga kooperatiba sa Compostela nga mao ang Siocon Farmers' Irrigators' Association, ang Gabi Farmers' Irrigators' Association, ug ang Bagongon Compostela Farmers' Association.

Niadtong Enero 2010, una nang nakapanghatag si Gov. Uy ug onse ka Shredding Machines diin ang usa iyang gihatag sa LGU Mawab, ug ang napulo sa mga kooperatiba sa lain-laing mga kalungsuran sa Comval. (gmc/ids comval) [top]

  prev  next  »|
DAILY NEWS LIST:
»Tagum pride Ed Villar grabs gold medals in Cagayan Triathlon
»Tagum VM Rellon receives plaque of commendation from AFP
»Cebuano News: Organic fertilizer gihingusgan, 26 shredding machines sa DA gihatag sa Comval
»Leyte SP cites DOLE 8 for prompt anti trafficking efforts
»Crime volume in Region 8 plunges in first semester of 2010
»Cebuano News: Malakanyang: Hulaton una ang resulta sa hostage imbestigasyon
»Cebuano News: Malakanyang kompiyansa sa resulta sa imbestigayson sa IIRC
»Cebuano News: Publiko-pribado nga pagtambayayong makatabang sa pagdugang sa kita sa pangagamhanan
»Cebuano News: Tripartite industrial peace council gipaluyohan ang labor reform agenda ni Pnoy
»Cebuano News: Aquino adminstration nagtuo nga epektibo ang CCT aron mabatokan ang kalisod
  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines