Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 23 May 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2019 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/09/24

Cebuano News: NMRI nangayo na'g 10% royalty fee

Gagmayng minero sa Pantukan nagpakitabang kang Gov. Uy

Comval Province (24 September) -- Nagpakitabang karon ngadto kang Gov. Arturo "Chiongkee" Uy ang mga gagmayng minero sa lungsod sa Pantukan nga naapektuhan sa gihimong pagsulod sa Napnapan Mineral Resources Incorporated (NMRI). Kini tungod kay gisugdan na karon sa pag-control sa NMRI ang maong minahan pinaagi sa pagpangayo kanila ug 10% nga royalty fee.

Gawas sa gipangayong 10% nga royalty fee, gipahibalo na usab karon sa NMRI ang mga gagmayng minero nga ang nasangpit nga kompanya mao nay mopalit sa ilang bulawan. Dili na puwede matud pa nga didto sa gawas nila kini ibaligya.

Niadtong Septyembre 14 sa buntag, kapin sa 30 ka mga opisyal gikan sa lainlaing grupo sa mga gagmayng minero diha sa Pantukan, ang nangabot sa buhatan ni Gov. Uy diha sa kapitolyo. Atol sa maong okasyon ilang gipasibaw ang ilang mga kabalaka tungod kay gisugdan na sa NMRI pag-ipit ang mga gagmayng minero diha sa nasangpit minahan.

Bisan ang mga gagmayng minero sa pipila ka dapit sa Pantukan nga gideklara nang minahan ng bayan, ang nabalaka usab sa gipakitang action sa NMRI. Kini maoy hinungdan nga ang ilang mga opisyales, miuban usab sa panon sa mga kaubanang minero nga nagpadayag sa ilang mga kabalaka ug nagpakitabang sa gobernador.

Kauban sa Gobernador nga miabi-abi sa mga bisita niadtong adlawa, mao si Executive Assistant Isabelo Melendres ug si Eugene Alaba ang Environment Specialist sa Compostela Valley.

Matud sa gobernador nga ang probinsiya kanunayng andam pagtabang sa mga gagmayng minero. Kini ila nang nasinati diha sa gihimong paningkamot sa Provincial LGU nga mahatag sa mga gagmayng minero ang katungod pagmina sa pipila ka mga mining areas sa Comval. Tungod sa maong paningkamot nadeklara nang Minahan ng Bayan ang pipila ka mga mining areas sa Pantukan, ug sa uban pang mga minahan sa Comval.

Ang maong problema matud ni Gov. Uy nga iya nang gidala didto sa kauluhan, ug bisan ang tanang mga Provincial Governors naalarma usab human sa iyang Privilege Speech atol sa meeting sa mga gobernador bag-o lang, tungod kay posibleng mahitabo usab ang susamang problema diha sa ilang tagsa-tagsa ka mga probinsiya. Mitambong sa maong meeting ang bag-ong DENR Secretary nga si Ramon Jesus P. Paje. Ang bag-ong DENR Secretary nagpasalig nga lantawon ang maong problema.

Sa maong pagibisita sa mga gagmayng minero, sila giawhag sa gobernador nga ilang lig-onon ang ilang panaghiusa ug padayong magmabinantayon aron dili mayatakan ang ilang mga katungod sa pagmina diha sa Pantukan. (gmc/ids comval) [top]

  prev  next  »|
DAILY NEWS LIST:
»Cebuano News: NMRI nangayo na'g 10% royalty fee
»PhilHealth targets 55,300 new members in Eastern Visayas
»Cebuano News: World Bank nag-ila sa mga paningkamot ni Aquino sa pag-uswag sa ekonomiya, pakigbugno sa kapobrehon
»Cebuano News: Pagpapas sa 10 buhatan ubos sa OP nagadaginot sa gobierno og P304.6M, sabi ng Palasyo
»Cebuano News: Pangulo sa GRP mipahayag nga ang MILF wala na magtinguha alang sa independente nga nasud usa ka welcome nga kalambuan
»Cebuano News: RP, Vietnam mopirma sa upat ka kasabotan sa Oktobre
»Cebuano News: Pres. Aquino gusto og komprehensibo nga lakang batok sa "jueteng"
»Feature: PhilHealth Sabado is coming soon
»Waray-Waray News: Grupo hin kalalakin-an ha Eastern Visayas nasuporta han kampanya kontra pangabuso ha kababayen-an
»Pangasinan News: Sigpot a suporta ed Gob Espino impanengneng
  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines