Cebuano News: Pres. Aquino gusto og komprehensibo nga lakang batok sa "jueteng"
Manila (24 September) -- Presidente Benigno Aquino III nagtinguha sa pagpapas sa "jueteng" sa nasud pinaagi sa masugid og komprehensibo nga mga lakang.
Sa usa ka interview kaniadtong Martes sa New York, ang Presidente mipadayag nga siya nagmando na kang Interior and Local Government Secretary Jesus Robredo sa pag-umol og usa ka komprehensibo nga plano aron sa pagpapas sa illegal nga sugal.
Ang Chief Executive mipahayag usab mipadayag nga ang pag-umol niini nagsugod na ang mga paningkamot sa pag-himo og mga pamaagi sa pagpahunong sa illegal nga sugal.
Si Presidente Aquino mipadayag nga ang mga otoridad karon nag-imbestigar sa mga listahan sa mga personahe nga gisumbong ingon nga nalambigit sa illegal nga sugal. Iyang gipadayag nga imbes nga magsalig sa walay baseha nga mga pasangil, sila karon nagtutuk diha sa pagpanguha og igo nga mga ebidensiya batok niining suspetsado nga mga jueteng operators og mga benefiaries aron sa pagsiguro nga sila ibilanggo sa mga presohan.
Sa usa ka Senate committee hearing kaniadtong martes, si retired Lingayen-Dagupan Archbishop Oscar Cruz mi-implikar kang kanhi Philippine National Police Chief Gen. Jesus Versoza og DILG Undersecretary Rico Puno, og uban pa, ingon nga mga tigdawat og mga jueteng payola.
Ang Presidente milikay sa pagkomentaryo kalabot sa mga alegasyon sa bishop, sa pagpadayag nga siya walay personal nga kahibalo sa mao nga isyu. Siya midugang nga us aka grupo ka mga katawhan ang gitahasan sa paglantaw sa maong mga butang. (PIA Southern Leyte/esg) [top]
