Manila (1 October) -- Nagmugna og task force ang Department of Energy nga maoy magtuon aron sa posible nga pag-utro sa Electric Power Industry Reform Act, kon ang nailhan nga EPIRA law, sa tinguha nga mahisibo ang maong balaod sa mga panghitabo karon, si Energy Secretary Jose Almendras miingon.

Sa press conference sa Malacanang gahapon sa buntag, si Almendras namahayag nga panahon na dunay mga kausaban ang bag-ohon sa naasoy nga balaod aron madasig ang mga power companies sa pag-pamuhunan dinhi sa nasud.

Gibutyag niya nga sa pag-bisita ni Presidente Benigno Aquino III sa Estados Unidos, ang American power provider nga AES misaad nga mobobu og $ 1 billion dinhi sa nasud, ug kining maong saad nahisandig sa pasalig nga i-amend ang EPRIA law.

Matud ni Almendras iyang gisultihan ang taga AES kalabot sa energy reform plan sa gobyerno nga naglakip sa paghisgut sa mga kausaban nga ipatuman diha sa EPIRA.