Cebuano News: Gobyerno naglantaw mogamit og nuclear energy pagtubag sa power shortage
Manila (1 October) -- Magpahigayon ang gobyerno og pagtuon sa pag-gamit og nuclear energy aron ka-solusyonan ang di-kalikayan nga power shortage sa nasud.
Sa media briefing sa Malacanang, si Energy Secretary Jose Rene Almendras mibutyag nga ang Department of Energy (DOE) naglihok na karon alang sa pag-approve sa P 50 million nga budget alang sa pagtuon sa nuclear technology.
Matud niya nga ang maong pagtuon nahisibo sa commitment sa mga member countries sa Association of South East Asian Nations (ASEAN) kalabot sa pagpatuman sa mga malinawon ug luwas nga pag-gamit sa nuclear energy, sa tigom sa 28th ASEAN Ministers on Energy Meeting (AMEM) didto sa Da Lat, Vietnam pagka Hulyo.
Gidugang pa ni Almendras nga ang ASEAN energy ministers mag-finalize sa terms of reference alang sa base consultancy sa tali-abot nga 29th ASEAN Ministers on Energy Meeting sa Brunei Darussalam nga gi-schedule sa bulan sa Hulyo o Agosto sa sunod tuig. (PIA-Southern Leyte) [top]
