Ni Ben Pacris

Tagudin, Ilocos Sur (7 October) -- Imbilin ni PNP Sr Supt Eduardo Angel Dopale, PNP Provincial Director, to naan-anay mga imbestigasion ken al-alisto a pannakaarestar dagiti suspek ti pannakapapatay ni Judge Reynaldo Lacasandile iti Barangay Lacong iti Daytoy nga ili iti agsapa iti Lunes.

Nagturong a mismo ni Sept Dopale iti crime scene a nangidaulo ti imbestigasion anangibilinanna kadagiti kameng ti PNP iti al-alisto a pannakasolbar ti krimen.

Iti imbestigasio ti PNP-Tagudin nga idaulluan ni Pol. Sr Inspector Benedicto Cardenas nga agur-uray ti judge iti bus nga agturong iti Vigan City iti igid ti national highway iti Barangay Lacong iti agarup alas singko iti agsapa, idi pinaltogan ti dua a lallaki a nakalugar iti matorsiklo,'

Natay a dagus to RTC Judge a nagsagaba ti dua a bala, maysa a bala ti nangtira iti pusona, kinuna ti report ti PNP.

Madama pay laeng ti naannayas nga imbestagasion ti polisia no ania ti pudpudno a motibo daytoy a krimen.

Imbilin ni Col Dopale a nasken a naan-anay ti pannakaimplementar ti Total Gun Ban a direktiba ti Comelec kadagiti nabangon a checkpoints iti probinsia. Nangrugi ti gun idi Setiembre 25 ingganaiti Nobiembre 10, 2010 para iti natalna a barangay ken SK election inton Oktobre 25.