Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 20 September 2020 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2020 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/12/04

Cebuano News: Tinubdan sa tubig gi-amoma sa barangay opisyales

By Sarx Lanos/IPID News

Governor Generoso, Davao Oriental (4 December) -- Bisan pa man layo ug bakilid ang dapit nga tinubdan sa tubig mainom ug tinubdan sa kasapaan, apan wala kini gihimong babag sa baryohanon kay ilang gitungas ug gitanoman sa kahoy.

Ang katawhan uban sa mga kagawad sa barangay pinangulohan ni Kapitan Ricardo Crodua, nagtanom ug sobra 700 ka semelyang kahoy nga Mahogany didto sa Sitio Mansinagan, Upper Tibanban, sakop niini nga lungsod, dili pa dugay.

Gusto sa mga opisyales nga mamintina ang tinubdan sa tubig sa ilang lugar kay naghatag ang tubig sa kinabuhi, sa tawo, sa hayop ug mga tanom.

"Gawas sa pagmintina sa watershed dinhi sa akong barangay, nadasig usab kami sa pagtanom ug mga kahoy isip among suporta sa programa ni Gobernador Cora Malanyaon nga mao ang Million Trees Movement kay gusto ni Gob Cora nga mobalik ang kalunhaw sa tibuok probinsya ug aron nga mobugnaw ang kalibotan," pamahayag ni Kapitan Crodua.

Si Vitaliano Valles ug Alfredo Limpio, Jr., mga kawani sa Environment and Natural Resources Office (ENRO) sa PLGU-Davao Oriental, sila naghatod ug nitabang pagtanom sa mao nga mga semelyang kahoy gikan sa ENRO DavOr Provincial Nursery.

Kuyog usab ni Kapitan Crodua sa pagtanom mao ang iyang mga barangay kagawads nga sila Aguinaldo Tan, Eulalio Canonigo, Arnulfo Cazar, Jacinto Umbajeno, Agripino Amad, Charlie Labisores, Celso Carismal ug Felix Alisna.

Si ENRO Officer-in-charge Dante M. Ganir nag-ingon nga daghan karon ang mga semelyang kahoy didto sa ENRO Nursery kay gusto ni Gobernador Malanyaon nga adunay andam kanunay nga mga semelya kay matag karon ug unya daghang magpahatod ug magpatanom nga mga barangays, eskwelahan ug bisan ang mga tag-iya sa pribadong kayutaan. (IPID News/Sarx Lanos) [top]

  prev  next  »|
DAILY NEWS LIST:
»Cebuano News: Tinubdan sa tubig gi-amoma sa barangay opisyales
»Cebuano News: LGUs gihangyo pagtukod ug Tribal Village, Tribal Halls
»Region 12 leads in mercury phase-out in hospitals
»Philippines' ram pump conquers BBC World Challenge 2010
»Filipino AIDFI's ram pump project wins prestigious World Challenge 10 competition
»PNoy confers 2010 Presidential Awards to 24 Filipino individuals, organizations overseas
»Gov't declares 18-day holiday truce with CPP
»Secretary Luistro exhorts DepEd employees to always live as good examples to people
»December 11 Barangay Assembly Day highlights transparency, good governance
»CHR enjoins government agencies to recite "Panata sa Karapatang Pantao" on December 6
  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines