by Roberto M. Cabardo

Cebu City (28 November) -- Luyo sa ilang katungdanan pagseguro sa kaluwasan sa mga biyahedor sa kadagatan, daw sa nahadlok paghatag og pamahayag ang Philippine Coast Guard sa rehiyon og sa Sugbo kabahin sa ilang gihimo nga safety measures sa mga pantalan og mga barko human sa nahitabong pagkalunod sa M/V Leonida II sa kadagatan sa Surigao diin lakip sa duol biente ka tawong namatay ang mayor sa lungsod sa Del Carmen, Surigao del Norte.

Gani ang mga tinugyanan dinhi sa Philippine Coast Guard sa rehiyon og sa Sugbo kagahapon parehong nagdumili pagpa-interbyu sila si Deputy Chair Redempto Deligero, og ang hepe mismo sa Coast Guard nga si Commodore Manolito O. Malig-on sa pagluwat og pamahayag sa dihang gipangutana ning tigbalita kung unsay gihimo sa ilang ahensiya aron pagseguro nga dili mahitabo ang susamang trahedya dinhi sa Central Visayas.