Cebuano News: Palasyo nagmando pag-imbestiga sa pagpatay sa mediaman
By Rebecca Cadavos
Manila (3 July) -- Si Presidente Gloria Macapagal-Arroyo nagmando ug usa ka komprehensibang imbestigasyon kabahin sa pagpatay ni broadcast journalist Bert Sison, edad 60 sa Sariaya, Quezon sa Lunes sa gabii.
"Nagkondenar kita sa pagpatay ni Sison sa Quezon," matud pa ni Press Secretary Jesus Dureza kagahapon. Usa ka imbestigasyon ang gimando aron sa pagdakop sa mga naghimo niini.
Usa ka broadcaster sa estasyon sa radio DZAT ug usa ka correspondent sa senemanang "Regioanl Bulletin," si Sison gi-ambus samtang siya padulong ug uli sa Lunes kauban sa iyang duha ka anak babaye. Nanguna usab siya ug usa ka music program sa radyo.
Ang pulis nagtahu nga ang miatake ni Sison mipusil usab sa iyang 30 anyos nga anak babaye, si Liwayway Andaya, diha sa kamot sa dihang siya midagan, siya nasamdan ug gamay.
Ang laing anak babaye ni Sison, 24 anyos nga si Amiyah Sison, nakaikyas nga luwas tungod kay nagpakaaron-ingnong patay na.
Ang duha ka anak nga babaye mga correspondents usab sa "Regioanl Bulletin," diin kasagarang nagtahu ug estoryang krimen ug mga artikulong kanunay nag-igo sa mga politiko. (PIA-Southern Leyte) [top]
