Waray-Waray News: Gobyerno nagpursiger san eco-friendly nga proyekto
ni Ailene N. Diaz
An gobyerno in nagduduso para san konbersyon san basura sa merkado ngadto san organic nga abuno.
Sugad ni Agriculture Secretary Arthur Yap, an paggamit san iralabog nga utan para makagproduser sin organic nga abuno in parte san kanan Departamento "Organikong Magsasaka" nga programa, kon diin ginpo promoter an sustenable nga agrikultura pinaagi san paggamit san waray kemikal nga abuno san pagtanom duma.
Sini nga paninguha, an Departamento pan Agrikultura in nagtutdo san Local Government Units nga mao an magpadalagan sini nga eco-friendly nga proyekto para i konberter an ig barasura na nga utanon san pan publiko nga merkado ngan mga trading centers ngadto san organic nga abuno.
Ini sumpay san padayon nga inisyatibo san Departamento para aghaton an mga parag-uma nga gumamit san waray kemikal nga abuno para maibanan an gastuson san pag uma ngan ma promoter an sustenabme nga agrikultura, dugang ni Yap.
Sa lain nga sumat, an kanan DA "Organikong Pagsasaka" nga programa nga yaun alokasyon nga 500 milyones ka pesos yana nga tuig, in parte san kan Presidente Arroyo P43.7 bilyones FIELDS nga inisyatibo para maundong ngan mapakusog an ani san paray ngan magarantiyahan an seguridad san pagkaun sa butnga san pagkuri san pagkaun sa kalibutan. (PIA-Northern Samar) [top]
