Waray-Waray News: Si Teves nag oponir san pagkuhaa san VAT san lana, naruyag makig dayalogo san CBCP
ni Ailene N. Diaz
Manila (10 July) -- Si Finance Secretary Margarito Teves nagsugad kahapon nga an gahum pag suspender san Expanded Value Added Tax (EVAT) san lana nabasi eksklusibo san Kongreso.
Nagreact si Teves san panawagan san Catholic Bishop Conference of the Philippines (CBCP) ngan iba pa nga lederes san oposisyon pagpakuha san dose porsyento nga EVAT san produkto san lana.
"Ini nga gin proponer nangangahulugan sin 73.1 bilyones ka pesos nga mawawara nga kita kon diin mao an ginagamit sa gobyerno pagpondo san mga programa para makagbulig san mga pobre maatubang an naghihinitaas nga presyo san lana ngan pagkaun," ini an sugad ni Teves.
Dugang ni Teves, an Department of Finance nagpahamtang liwat nga an pagsuspender san VAT san lana in kadak-an nga makakabenepisyo san magyaman kay sira an dagko nga nakonsumo san lana samtang an konsumo san mga pobre nga pamilya in VAT exempt sugad san panagrikultura nga mga produkto.
Si Finance Secretary nagsugad nga kinakarawat naton an oportunidad makig esturya san CBCP san kanan gobyerno posisyon sini nga isyu ngan makigtrabaho sa kanra paghanap sin mga pamaagi maibsan an bug-at san nagtutubo nga presyo san lana ngan presyo san pagkaun ngada san mga tawo labi na an mga pobre. (PIA-Northern Samar) [top]
