Butuan City (21 July) -- Ang buhatan sa Philippine Ports Authority (PPA) mipagawas sa ilang report nga misaka ang ilang kita sulod sa tulo ka bulan niining tuiga.

Matod sa taho nga ang ilang net income tax miabot ngadto sa P664 milyones, misaka og 12 porsyento ikumpara gikan sa P590.76 milyones sa nakalabay nga tuig.

Matod pa sa maong buhatan, kini bisan pa man nga ang pagpalig-on sa peso batuk dolyar sa bulan sa Marso mikunhod ang ilang port revenue nagdto sa P67.15 milyones.

Ila usab gitataw nga nakahimo sila pagpasaka sa ilang kita gikan sa traffic volume ug resulta sa traffic-rate adjustment diin giimplementar sa niaging tuig.

Dugang pa sa maong report, mihipos ang among buhatan og P112.22 milyones sa additional revenue nga gikan sa taas nga traffic volume ug P28.22 milyon sab gikan sa tariff adjustment.

Mokabat sa 82 porsyento sa PPA revenue gikan sa mga pampublikong pantalan; ang uban naggikan sa mga pribadong pantalan.

"Except for PDO (Port District Office) Northern Mindanao, where port traffic volume declined, all PDOs managed to exceed their revenue targets for the period," matod sa report.

Ang mga bayronon nga gikolekta gikan sa Internation Container Terminal Services Inc., (ICTSI) mao ang pinakadako nga pantalan sa nasud, ang nagpabiling pinakadako usab ang natampo sa kita sa PPA.

"ICTSI's fees helped counterbalance the negative effect of the fluctuations in the forex (foreign exchange) rate," matod sa maong buhatan.

Sulod sa bulan sa Marso lang ang kita sa ICTSI, diin naggikan sa Manila International Container Terminal, miabot ngadto sa P540.22 milyones ang deperensya ikompara sa niaging tuig.