By Rebecca Cadavos

Manila (30 July) -- Ang administrasyon ni Arroyo magbilin ug total nga 51 ka RORO ports isip parte sa legasiya kon siya mobiya na sa opisina sa 2010.

Sa iyang 2008 nga State-of-the-Nation Address kon SONA niadtong Hulyo 28, Lunes, si Presidente Gloria Macapagal-Arroyo nagtahu nga gawas sa 39 ka RORO ports nga gihimo sa iyang administrasyon, adunay usa ka dosenang roll-on,roll-off nga pantalan giandam aron pagasugdan sulod sa sunod nga duha ka tuig.

"We have built 39 RORO ports during our administration, 12 more are slated to start within the next two years," matud pa sa Presidente samtang siya nag-inagurar kaniadtong 2003 sa Western Nautical Highway gikan sa Batangas pinaagi sa Mindoro, Panay ug Negros ngadto na sa Mindanao.

"This year, we launched the Central Nautical Highway (CNH) from Bicol mainland, through Masbate, Cebu, Bohol and Camiguin to Mindanao mainland," dugang pa ni Presidente Arroyo.

Kining mga kalambuan nagpalig-on sa atong pagkompetensya, diin ang RORO nga mga sakyanan nagkarga ug 33 milyones ka toneladang kargamento ug 31 ka milyones nga pasahero sa 2007 lamang, tahu sa Presidente.

Dugang pahayag sa Presidente nga tungod sa RORO, "leading multinational company, Nestle, cut transport costs and offset higher milk prices abroad." Ug ang transport cost nahimong resonable alang sa mga bakery sama sa Gardenia – " a loaf of its bread in Iloilo is priced the same as in Laguna and Manila. Salamat muli sa RORO."

Adunay intensyon nga pamenosan ang transport cost sa mga butang nga gihimo sa katawhan ug diin gidala sa merkado sa mga metropolitan areas, ang Chief Executive nagpasalamat usab sa daghang local government units kinsa mihunong na sa pagkolekta ug bayronon sa cargo vehicles.