Cebuano News: PGMA miawahg sa LGUs paghunong sa red tape, mosagop ug hiniusa nga kalagdaan sa pamatigayon
Manila (6 November) -- Si Presidente Gloria Mapagal-Arroyo miawhag sa mga kagamhanang lokal nga molikay paghimo sa red tape ug mokunhod sa mga bili sa transaksyon ug mohimo sa Pilipinas nga makapadani pag-ayo sa mga magpapatigayon.
Matud pa niya nga ang mga LGUs mihimo sa usa ra ka mga kalagdaan ug reglamento sa ilang pag-atiman sa sektor sa pamatigayon, ug mosulbad sa mga suliran sa mga magpapatigayon sa Pilipinas aron pagpauswag sa iyang pagpakig-indig sa kalibutan.
Sa iyang pakigpulong sa 1st Laguna Investment and Business Expo nga gipahigayon sa SM, dakbayan sa Sta. Rosa, ang Presidente miingon nga siya naglaum nga ang mga "LGUs", city mayors, ug municipal mayors ang mohatag ug solsusyon sa mga suliran sa magpapatigayon, lakip na ang build-to-operate transfer (BOT) nga mga proyekto alang sa mahinungdanon kaayo nga expressway."
Ang Expo nagpadayag sa mga pinakamaayo nga matanayag sa Laguna ngadto sa mga magpapatigayon.
Ang mga magpapatigayon nagrekalmo mahitungod sa kakulangon sa kahiusahan sa mga kalagdaan ug reglamento sa pamatigayon kinsa malisod kanila nga modumala ug pamatigayon sa nasud.
Matud pa, usa ka yano nga business permit nga magdala ug daghan nga mga signatures sa dili pa ang dokumento ipagawas.
Ang mga nasangpit nga suliran gitumbok sa bag-o nga survey sa private financial arm sa World Bank, ang International Finance Corporation (IFC), isip usa sa mga makahatag kapakyasan sa pagsukod sa kasibot sa Pilipinas aron mamahimo nga globally competitive. (PIA-Pagadian) [top]
