Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 3 June 2020 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << June 2020 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2010/05/05

Waray-Waray News: PGMA nagmando han DOLE pagpadarudagmit mga negosasyon pagpahataas han sweldo

Manila (5 May) -- Ginmanduhan ni Pangulo Gloria Macapagal-Arroyo dida han Mayo 1 an Labor and Employment Secretary Marianito Roque nga darudagmiton an ha pagkayana sige nga negosasyon han tagsa-tagsa nga Regional Wage Boards (RWB) parti han kanan mga magtratrabaho gin-aaro nga P75 nga tubo han ha kada adlaw nga sweldo.

Dida han iya pormal nga pagyakan han pagselebrar han Labor Day nga gindumara didto ha SMX Convention Center ha Mall of Asia, ginklaro gihapon ni Pangulo Arroyo nga ha ilarum han iya 9 katuig nga administrasyon, an populasyon han mga nagpakatrabaho in humitaas tikang ha 27 milyones ngadto ha 36 milyones, nga may average job creation nga usa ka milyon nga mga trabaho ha kada tuig.

Ginpasalamatan han Pangulo an damo nga mga pederasyon hin magtratrabaho ngan mga union ngan an iba nga mga sektor han paghimo han Labor Agenda 2010-2015, kun diin nakapahamtang an mga ekspektasyon han iba-iba nga mga sektor han ekonomiya ha tiarabot nga lima ka-tuig.

Ha kabug-usan, an mga ekspektasyon in nag-uupod hin pagpahitaas han sweldo, mas protektado nga gintratrabahuan (an ira pagdiri han ka-contractual), paghatag hin rekognasyon ha mga labor union ngan mga organisasyon han impormal nga sektor, kababayen-an, kabataan ngan iba pa; ngan usa nga turotuhay nga systema han hustisya para han mga magtratrabaho.

Nagsering an Pangulo nga "maniniguro kami nga mahimo ini nga mga ekspektasyon ha sulod han akon termino."

Dugang pa han Pangulo nga an iya mga programa panreporma in nakasalbar han nasud han nakakaubos nga epekto han kanan kalibutan gin-abat nga krisis pinansyal ngan han anay krisis parti pagkaon nga "makakatapo han mga aatubangon pa nga mga pag-ayat."

Sering niya nga han kanan nakalabay nga tuig nga krisis pinansyal han kalibutan, an kuoperasyon han magtratrabaho nga sektor in nakabulig han gobyerno nga maghinga-upay han iya emergency employment initiatives sugad han Comprehensive Livelihood Emergency Employment Program (CLEEP), an Out of School Youth Serving Toward Economic Resiliency (OYSTER), Nurses Assigned in the Rural Sector (NARS) ngan an Youth Information Technology Opportunities (YOUTH-ITO), ngan iba pa.

"Nag-alutaga kami hin P1 kabilyon para hini nga mga programa pero an nagamit pala namon ha pagkayana in P200 milyones ngan an balansi in gagamiton yana para paghag-id han mga waray trabaho, ha mga batan-on, ha impormal nga mga sektor para magkaada hin abilidad para hira in magpakatrabaho ha may kalabutan han BPO (business process outsourcing) ngan IT (information technology)," sering han Pangulo.

Iginpasabot han Pangulo nga an kanan Pilipinas minimum nga sweldo in nadalagan ha P148 ngadto ha P256 "nga haruhataas kuntra didto ha Vietnam, China, Indonesia ngan Thailand, nga mas riko kuntra ha aton."

Nagsering gihapon an Pangulo nga an mga industrial strike in dako an gin-ubusan tikang ha 300 dida han 1998 ngadto ha upat ha 2009 ngan zero para han 2010 ngan "ini in nakapahitaas o nagpadarudamo han mga negosyante o kapitalista, darudamo nga mga trabaho, harohitaas nga produksyon ngan sugad man han sweldo."

Sering niya nga an mga sweldo ha mga ada ha gobyerno in humitaas ngan padayon pa nga mahitaas ha 2010 ngadto ha 2012 ha ilarum han balaud han salary standardization.

Parti han kanan Labor Agenda reklamo parti han kakulangan han labor justice system, nagsering an Pangulo nga ha pagkayana an nasud in mayda 46 nga mga labor arbiter nga magseseguro hin mas madarodagmit nga progproseso han mga kaso parti kanan magtratrabaho nga nakapending ha National Labor Relations Commission. (Translated by: PIA8/maa) [top]

  prev  next  »|
DAILY NEWS LIST:
»Waray-Waray News: FVR nadire han People Power
»Waray-Waray News: Publiko ginpapatagam hin pag-abot hin mga bagyo
»Cebuano News: Enrollees sa ALS gilaomang mosaka
»Cebuano News: Palasyo mipakalma sa kabalakang mopalpak ang automated elections
»Cebuano News: Gobyerno mipaluyo sa Comelec alang sa kalamposan sa automated elections
»Cebuano News: Korea og Pilipinas pulos naka-ani og mga benepisyo gikan sa 45-ka tuig nga pagtambayayong
»Waray-Waray News: World Asthma Day nagpahamtang pamaagi pagpugong sa asthma
»Cebuano News: Gobyerno sa Thai naghatag bugas para sa biktima sa bagyo sa Pilipinas
»Cebuano News: PGMA nagsaad ug dugang pundo alang sa agrikultura
»Waray-Waray News: PGMA nagmando han DOLE pagpadarudagmit mga negosasyon pagpahataas han sweldo
  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines