Cebuano News: Molupyo sa Biliran giaghat pagpamati pagpamulong ni President Aquino sa iyang 1st 100 days
Manila (October 7) -- Mopahigayon ugmang adlawa, Huwebes, Octobre 7 sa alas 10:00 ang takna sa buntag hangtod sa 12:00 sa udto sa iyang report sa 1st 100 days komo Presidente sa nasud si Presidente Benigno Aquino III didto sa Ceremonial Hall sa Malacaņang.
Ang pagpahigayon ug report sa Presidente hatagan ug live coverage ug kini aduay tulo ka live points nga magalakip sa mga syudad sa Baguio, Cebu ug Davao.
Ang report ni Presidente Aquino adunay title o ngalan nga "Isang Daang Araw sa Daang Matuwid ? Report Kay Boss".
Kasumpay niini nga kalihukan sa Presidente giaghat ang mga taga lungsod sa Naval ug sa tibuok probinsya sa Biliran sa pagtan-aw sa ilang mga television ug pagpamati sa ilang mga radio aron nila matukib ang pagsaysay sa report ni Presidente Aquino sa iyang 1st 100 Days komo presidente sa nasud Pilipinas. (PIA-Biliran/flor Jackson) [top]
