Tagbilaran City (12 October) -- Sama sa pag-abre ni Moises sa tubig sa dagat aron baha-on ang mga taga-Ehepto, abrehan usab ni Presidente Gloria Macapagal-Arroyo ang tubig sa Bayongan Dam aron mosugod sa pag-bubo sa mga kahumayan nga sakop sa Bohol Irrigation Project Stage II (BHIP II).

Ang seremonias himoon karong adlawa didto sa Lungsod sa San Miguel, diin ang Presidente abrihan ang nag-unang gripo sa Bayongan Dam aron sa pagpa-agas sa tubig gikan niini padulong sa mga naglain-laing mga kanal sa dam nga padulong usab sa mga kaumahan ug agrikultura.

Si Presidente paga-ubanan ni Gob. Erico Aumentado, Embahador sa Bansang Hapon nga si Makoto Katsura ug ubang mga opisyales sa lalawigan.

Ang P2.3 bilyones nga proyekto gitu-ohang mo-benepisyo sa kapin sa 3,500 ka mag-uuma sa lungsod sa Trinidad, San Miguel ug Ubay.

Ang maong proyekto gipunduhan ubos sa Japan Bank for International Cooperation (JBIC).