Hiligaynon News: Magamay nga negosyo armas batok sa kapigaduhon
by Jemin B. Guillermo
Roxas City (19 October) -- Armas batok sa tuman nga kapigaduhon ang magamay nga mga negosyo sang mga pumuluyo.
Suno sa kay Pangulong Gloria Macapagal-Arroyo nga dako ang bulig nga dala sang mga magamay nga negosyo ilabi na sa pagpakig-away sa kapigaduhon.
Suno sa Presidente nga ang pagnegosyo ang isa ka alternatibo nga makuhaan sang palangabuhian nga mgakabulig sa bug-os nga pamilya.
Ginpamatud-an man ini sang pila ka mga pumuluyo nga nagpakigbahin sa programa nga micro, small and medium enterprises ukon MSME sang gobyerno.
Suno sa ila nga pinaagi sa iya gin-utang nga kapital kag sa ila kahugod, natigayon nila nga mapaeskwela ang ila kabataan kag mapadako man ang ila negosyo.
Ang MSME ang isa sang ginaduso nga programa sang gobyerno agod magabulig sa mga pumuluyo sa pagpakigbato sa kaimuluon bilang alternatibo nila nga pangabuhian. (PIA) [top]
