Hiligaynon News: Pangulong Arroyo personal nagadala sang serbisyo sa mga pumuluyo
by Jemin B. Guillermo
Manila (19 October) -- Personal nga igapanagtag subong nga adlaw, Oktubre 19, ni Pangulong Gloria Macapagal-Arroyo ang mga Philhealth ID cards para sa mga benepisyaryo nga mga mangongoma sa Guagua, pampanga.
Sa iya man pagpadulong didto, iya personal nga inspeksyonon ang ginahingyo nga pagpakaayo sang kalsada sa barangay Sto. Cristo sa amo man nga banwa kag sa amo man nga ginahingyo nga proyekto sa barangay Sta. Maria kag Balantakan sa Lubao, pampanga.
Nangin determinado man ang Pangulo sa pagdala sang mga serbisyo sang gobyerno palapit sa mga pumuluyo pinaagi sa iya personal nga pagpadulong sa mga kabarangayan sa pungsod.
Nauna na nga ginpangunahan man sang Presidente ang mga kabarangayan sa Pampanga sa pagpabakod sang ila tagsa ka disaster-risk management sang damlag lang. (PIA) [top]
