Manila (19 November) -- Si Presidente Benigno Aquino III kagahapon namahayag nga ang iyang administrasyon dunay commitment sa pagwagtang sa mga babag sa buot mag-negosyo sa Pilipinas, ug ang mga potential investors sa Public-Private Partnership (PPP) projects paga-panalipdan batok sa mga regulatory risks.

Namulong atubangan sa grand opening sa Infrasture Philippines 2010 didto sa Marriott Hotel sa Pasay City, ang Presidente mipasalig sa mga investors nga wala na sila makig-atubang sa usa ka gobyerno kansang tuong kamot nakig-lamano samtang ang wala nga kamot mikuot sa ilang mga bulsa.

"If we are truly interested in a square deal for all, then what we shake hands on should be what endures. To this end, what we will be doing in so far as solicited projects are concerned is to minimize your risk in a meaningful and fair manner," nagkanayon ang Presidente.

Gihimo niyang pananglitan ang mga power supply contracts ug mga road projects sa unang administrasyon diin ang gobyerno nagtanyag lisod nga garantiya sa mga tigpuhunan batok sa financial ug market risks.

Aron matubag ang regulatory risk, ang Presidente nagpahibawo kanila nga ang Banko Sentral ng Pilipinas (BSP) Monetary Board naghatag authority alang sa nilain nga Single Borrowers Limit (SBL) nga 25 porsiyento sa equity sa usa ka bangko alang lamang sa PPP projects diin molahutay kini sa tulo ka tuig.