Cebuano News: Bomba sa kauluhan way epekto sa seguridad sa Sugbo
by Roberto M. Cabardo
Cebu City (16 November) -- Way epekto ang pagpamomba sa batasan complex sa kauluhan sa seguridad sa dakbayan sa Sugbo.
Kini ang gipamahayag sa Deputy Director sa Cebu City Police Office Police Superintendent Pablo Labra.
Sa interbyu ning tigbalita, niingon si Labra nga ang ilang buhatan padayon gihapon sa koordinasyon sa mga malls, supermarkets ingon man mga hotels og resorts sa pagseguro nga ang mga tawong mosuroy sa maong lugar luwas gayud sa kakuyaw.
Matud ni Labra wala pay intelligence report nga nadawat ang ilang buhatan nga maisip nga hulga sa seguridad sa Sugbo apan gipasalig sa iyang buhatan nga gilig-on gayud nila ang pagpaniid og pagpatuman sa seguridad sa nasod. (PIA Cebu) [top]