Ni Miriam P. Aquino

San Fernando City, La Union (19 November) -- Ti pannakabuangay iti proyekto a DRIVE sadiay Malakanyang, maala metten dagiti as-asawa ken dagiti kangrunaan a miyembros ti pamilya dagiti agpaspasada ken konduktor dagiti pampubliko a luglugan iti parteda nga aggapu iti programa a "Katas ng VAT (value added tax) iti gobierno.

Iti proyekto a DRIVE wenno Dagdag Regular Income Via Entrepreneurship ket isu ti "offshoot" iti panangiwaragawag ti presidente idi agdama ti forum maipapan iti Alternative Fuels for Public Transport Group a naiyangay idi Hulyo 16, 2008.

Inwaragawag ditoy ti Presidente ti pannakaiwaras iti P500 a milyon aggapu iti VAT revenues nga mangipundar iti livelihood project wenno pagbirukan para kadagiti as-asawa ken kangrunaan a miyembros ti pamilya dagiti agmanmaneho wenno drayber ken kukunduktor ti pampubliko a pagluganan tapnu pangtulong ti gobierno kadakuada kontra iti nangato nga presyo iti lana.

Kabayatanna, nagpinnirma met iti Departamento iti Social Welfare ken Development (DSWD) ken iti Departamento iti Transportasyon ken Komunikasyon (DOTC) iti memorandum of agreement para iti pannakaipursige ti nasao nga proyekto.

Maysa a nasisita nga probisyon ti proyekto iti saan nga mainteresan ken awanan ti kolateral na nga tulong-pangkapital para ti agarup 95,000 nga target beneficiaries nga mang-adaptar ti Self Employment Assistance – Kaunlaran (SEA-K) a sistema iti DSWD.

Ti DOTC iti ahensiya nga mangipangruna ti daytoy a proyekto ket isu met iti makaammo wenno responsable para iti pannakapili dagiti mabenepisyaran ket ti Philippine Postal Savings Bank met ti mangmanehar iti pondo ti nasao nga proyekto, kasta met ti Presidential Management Staff ket isu ti agbalin nga opisina para iti proyekto nga DRIVE.

Ti tulong-pangkapital ket aggatad manipud P5,000 para ti indibidwal agingga't P150,000 para iti asosasyon nga addaan 30 a miyembros na.