Lubao, Pampanga (22 October) -- Usa nga masigabo nga pagtapo an ginhatag kan Pangulo Gloria Macapagal-Arroyo dida han iya utro nga pagbisita han iya bungto nga natawhan para manginano han ginproponer nga rehabilitasyon ngan pagpauro-upay han eskwelahan ngan han mga proyekto ha kalsada dinhi.

Kaupod hin pipira nga mga lokal nga opisyal, an Pangulo in personal nga nanginano han ginhahangyo nga pagpaayad han mga dumog na ngan gin-aanay na nga mga classroom han Sta. Lucia Elementary School ha Barangay Sta. Lucia dinhi.

An ginproponer nga tulo ka-classroom nga proyekto, nga nakantidad hin P500,000, in makakaakumodar hin maabot 138 nga mga estudyante.

An Chief Executive in sumolod han usa han mga classroom dun diin an mga magturotdo ngan han mga eskwela in mapaso nga kumarawat ngan nagpasalamat ha iya mahitungod han iya paghatag hin dako nga atensyon ha butnga han iya paluyo-luyo nga mga aktibidad.

"Dako it amon pagpasalamat han Pangulo ha iya paghatag hin panahon nga bisitahon an aton mga mulopyo ngan personal nga manginano han amon gin-aaro nga proyekto," sering ni Sta. Lucia barangay chairman Robert Ocampo.

Katapos hini, deretso nga kumadto an Pangulo ha Barangay San Juan para personal nga mag-inspeksyon han ginproponer nga pagsimento han kalsada nga proyekto.

Ha total nga kahilabaon nga 200 lineal meters, an ginhahangyo nga pagpauro-upay han kalsada in manginginahanglan hin maabot P15,000.

Hi San Juan barangay chairman Alex Vitug in nagpagawas gihapon han iya kalipay mahitungod han pag-abot han Pangulo.

Sering ni Vitug nga an pagsemento han kalsada in makakaiban han mga kakurian hin maabot 1,000 nga mga pamilya dida han lugar nga nabiyahe ha iba nga parti han munisipyo, lab-i na gud ha panahon hin mauran.

"Kadako hin duro nga kaginhawaan para ha mga tawo han San Juan kun ini nga kalsada in maaayad," sering niya.