Cebuano News: Ang kalibotan magtabang sa Pilipinas sa pagbarog - UN-WFP
Cadaba, Pampanga (22 October) -- Ang United Nations - World Food Program (UN-WFP) nagpasalig kang Presidente Gloria Macapagal-Arroyo kagahapon nga ang tibook kalibotan nagkahiusa aron sa pagtabang sa mga biktima sa mga bagyong Ondoy og Pepeng.
"Ang WFP sa kanunay anaa aron sa pagpaluyo sa gobierno sa mga katawhan sa Pilipinas aron sa pagbarog og pagtukod og sa pagsiguro nga madawat nila ang mga nangunang panginahanglan gikan kanamo," matud ni UN-WFP executive director Josette Sheeran sa iyang pasiunang mensahe.
Si Sheeran mipadayag nga ang United Nations nagpabilin nga nagtoo diha sa kusganon nga spirito sa mga katawhang Pilipino nga makabarog gikan sa trahedya tungod kay ang -Pilipinong katawhan daw dili katoohan, matud niya. Aduna kamoy determinasyon, aduna kamoy paglahutay, gani dili kamo mohunong," dugang niyang pagdasig.
"Busa karong adlawa, among gipaniguro og gi-usahan sa pagpadayag nga ania kami alang sa mga katawhan sa Pilipinas og ang tibook kalibotan kauban ninyo, dugang pasabot ni Sheeran.
Sa iyang pag-abot didto sa Ms. Earth Park sa Barangay Mandasig sa Candaba, ang Presidente nagsusi sa tabang nga pagkaon nga mga pakete gikan sa UN-WFP og nanguna diha sa pag-apod-apod ngadto sa mga residente sa Candaba. (PIA Southern Leyte/esg) [top]
