Cebuano News: 2 ka lihok sa panahon magpa-uwan-uwan
Manila (25 May) -- Duha ka importanteng lihok sa panahon ang gitagna nga magdala ug uwan aron may-alibyo na sa grabeng kainit nganhi sa nasud ning semanahona, apan dili pa kini isipon nga sinugdanan sa ting-uwan.
Matud pa sa mga taho sa Philippine Atmospheric, Geophysical and Astronomical Services Administration (Pagasa) pinaagi ni senior weather forecaster Robert Sawi, ila na nga nasigpatan ang frontal system nga gipaabot nga mopabundak sa uwan sa kasadpang bahin sa Amihanang Luzon sa Miyerkoles o bien sa Huwebes.
Laing inter-tropical convergence zone and mahimong mopatamog sa Mindanao.
Hinuon, pasbot ni Pagasa administrator Prisco Nilo nga walay hulga sa dautang panahon anga mosulod sa Philippine area of responsibility ning semanaha. (PIA-Bohol) [top]
