Komentaryo: Mga hulip sa gasolina
By Erna S. Gorne
Manila (14 June) -- Ang gobierno pinaagi sa Philippine National Oil Company (PNOC) naglantaw sa pagpangita ug hulip sa gasoline ingon nga labing maayo nga pamaagi sa pagsulbad sa pagsalig sa nasud ngadto sa pinalit nga crudo nga lana ug pagputol sa iyang greenhouse gas nga kontribusyon. Ang nalambigit nga mga ahensiya gihatagan ug mga mando sa Presidente sa pagpadali sa kalambuan sa bag-o pa lang nga nadiskubre nga bio-fuel ug bio diesel.
Ang makusganon nga suporta ug presensya sa biofuel nga balaodnon naghimo sa Pilipinas ingon nga usa sa labing makakuha ug pagtagad ingon nga mgas dapit nga pagabubu-an dinhi sa rehiyon. Labot niini, ang nasud nakabaton ug dagkong parsela sa mga walay gamit nga mga yuta angayan sa jatropha nga plantasyon, maingon man ang eksakto nga klima ug sa maayong mga trabahante.
Ang pagbubu ug puhunan diha sa kalambuan sa biofuel naglakip sa duha sa bilyones dolyares nga ibubu nga puhunan nga gisaad sa British nga kompaniya NRG Chemical Engineering Pte., Ltd. Ug Tian Biogreen Energy Ltd. Ang mga pagbubu ug puhunan sa mosunod nga tulo ka tuig maingon man ang Sumitomo Corp., Samsung Corp., ug Headwaters, Inc.
Ang Cosmo Oil, usa ka kompaniya sa Hapon nga naglambigit sa oil refining ug pagbaligya, nagplano usab sa pagtukod sa Leyte ug usa ka $100 milyones nga bioethanol nga planta ug #50 milyones nga biodiesel nga ploanta. Ang bioethanol nga planta nagkinahanglan ug 34,000 ka hektarya sa yuta alang sa cassava nga plantasyon, 36,000 ka hektarya alang sa sweet potato nga plantasyon, 76,000 ka hektarya alang sa yarn nga plantasyon ug 40,000 ka ektarya alang sa sugar cane nga plantasyon samtang ang gibanabana nga panginahanglan sa biofuel moabot mokabat sa 17,000 ka hektarya aron pagatamnan ug palm nga lana ug 61,000 ka ektarya alang sa paghimo ug copras. (PIA) [top]
