Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 18 July 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << July 2019 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/02/13

Waray-Waray News: Anti-smuggling campaign ginpahugtan pa han BOC

Manila (13 February) -- Ginpahugtan pa han Bureau of Customs (BOC) an kampanya hini kuntra han smuggling pinaagi hin pagpirmahe hin usa nga Memorandum of Agreement ngada han Philippine Ports Authority (PPA) ngan han United Harbor Pilots' Association of the Philippines (UHPAP) agud magkaada hin balyu-ay hin mga impormasyon bahin han gi-os ha lokalidad hadton imported goods ngan mga sarakyan pandagat ha ngatanan nga duru-ungan.

Ginpirmahan nira Customs Commissioner Napoleon L. Morales, PPA General Manager Atty. Oscar Sevilla ngan UHPAP President Captain Vicente Lagura an upat-ka-paypay nga katarangdu-an kun diin iginplastar an tagsa-tagsa nga buruhaton han nasabi nga mga buhatan ngan asosasyon para hin duok nga koordinasyon, kooperasyon ngan balyu-ay hin impormasyon.

Nahipapatik dida han mao nga MOA nga an PPA ngan UHPAP en gilayon magsusumiter hin report ngadto ha BOC hin bisan ano nga impormasyon mahiunong hin smuggling nga ira iginkahibalag ha bisan diin nga duru-ungan, ilabi na gud dida hin pribado nga duru-ungan.

Nagsiring hi Morales nga iginkakahibalag an PPA ngan UHPAP hin impormasyon mahi-unong hin posible magin smuggling nga aktibidades dida hiton ira inadlaw-adlaw nga operasyon kundi diri kinahanglanon nga gamiton an sugad nga impormasyon ha pagtuman han ira mga katungdanan. Ha luyo nga bahin, kinahanglanon han BOC an mao nga impormasyon para hin pagmamanman ngan paghikay hin mga ebidensya para mahikaso.

"Nakakab-it an aton kampanya ha anti-smuggling dida hiton impormasyon. Kun darudamo nga impormsyon an aton nakukuha, mamaupay an aton operasyon pagdesider hin mga kaso hin smuggling. Makakabulig ha aton operasyon pagmamanman, paghikay hin mga prueba ngan post-entry audit an mga impormasyon tikang ha PPA ngan UHPAP," pahayag ni Morales.

Ig-oobligar gihapon han PPA ha ngatanan nga sarakyan pandagat nga magsumiter hin lista han mga kargamento ngan iba pa nga mga dokumento ugsa ini madiskarga. Gagamiton ini nga mga dokumento han BOC ha pagpiho kun palusot an kargamento, diri husto an deklarasyon o kun diri eksakto an balor.

Maghahatag gihapon an UHPAP ha BOC hin regular nga lista han mga sarakyan nga ginmanyubra ha mga duru-ungan. Masusususog gihapon han BOC an gi-os han ngatanan nga mga sarakyan pandagat ngan matutudlok an mga lehitimo tikang hadton dudable nga mga sarakyan nga kulaong tikang ha iba nga duru-ungan han nasud kundi ngay-an nagtikang ha langyaw kargado hin smuggled nga mga butang.

Nagsiring hi Sevilla nga andam hira ha pagbulig han Bureau of Customs dida hiton kampanya hini ha anti-smuggling tungod nga an BOC, PPA ngan UHPAP en may-ada komon nga interes panpubliko pagpanalipod han aton ekonomiya ngan nasud.

"Pagka-urusa kita pagsurapo han smuggling nga seryoso nga tarhug ha aton ekonomiya ngan seguridad han nasud," siring ni Sevilla. (PIA-Eastern Samar) [top]

  prev  next  »|
DAILY NEWS LIST:
»Tagalog News: NAT itinakda ng DepEd
»Tagalog News: Pagpapa-unlad sa sektor ng agrikultura itutulak
»Tagalog News: DOLE pahintulutan ang direct deployment ng OFWs sa top corporations
»Tagalog News: Pag-unlad ng kanayunan at magsasaka itutulak ng mayor ng Koronadal
»Tagalog News: PGMA pangungunahan ang 2nd General Assembly sa Camarines Sur
»PAZ pushes for peace-anchored development in Mindanao
»Waray-Waray News: Anti-smuggling campaign ginpahugtan pa han BOC
»Siquijor POEA spots overseas employment scams, alerts public
»Teachers go 'home' shopping
»RP anti-child labor drive gets US support
  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines