Hiligaynon News: PGMA nagmandu nga maghimo sang mga pamaagi para mapadaku ang produksiyon sang lubi
Manila (10 July) -- Si Presidente Gloria Macapagal-Arroyo nagmandu sa Department of Science and Technology (DOST) nga maghimo sang pagpanalawsaw para magdaku ang produksyon sang lubi agud makabulig sa pangabuhian sang milyon ka mga Pilipino nga nagatanum sang lubi
Sa iya keynote speech sa 50th anniversary sang DOST ang presidente nagsiling, nga ang pag-paayo kag ang pagka-produktibo sang mga kalubihan magahatag sang daku sa pag-ayo sang pangabuhian para malampuwasan ang kapigaduhon tungod sa mataas nga presyo sang pagkaon kag gasolina sa bug-os nga kalibutan sa subong.
Ang DOST paagi sa Industrial Technology Development Institute (ITDI) kaupod man ang Ateneo de Manila University nagahimo man sang nagkalain-lain nga pagpanalawsaw sa lubi upod na ang pagpadaku sang produksiyon sang coconut-by-product kag mga peste nga naga-atake sa lubi.
Dugang pa gid, ang DOST ginapadalian man ang paghimo sang physio-chemical kag biological studies sang virgin coconut oil para maseguro nga may mataas nga kalidad para sa international kag lokal nga merkado.
Dugang pa sang DOST nga madamo nga paghimo sang mga clinical test para maseguro ang therapeutic claims nga simple pero may daku nga kaayuhan ang coconut derivatives. (EBC/PIA 12) [top]
