Hiligaynon News: Technology-backed nga programa para ang Pilipinas mangin First World class status
Manila (10 July) -- Si Presidente Gloria Macapagal-Arroyo nagsiling nga ang gobyerno naglansar sang technology-backed modernization program para mapadaku ang tsansa sang Pilipinas nga makasulod sa First World nga nasyon sa sulod sang biente ka tuig
Sa iya keynote speech sa 50th anniversary sang Department of Science and Technology (DOST)ang presidente naghambal nga ini parte sang programa sa modernisasyon nga nakasentro sa pagpalapnag sang mga aktibidades sang engineering research and development sa bug-os nga Pilipinas.
Dugang pa ni Presidente Arroyo nga para mapadayon nga ginapanan-aw nga ang Pilipinas mangin First World countries sa sulod sang biente ka tuig, sa pagproklama nga ang teknolohiya bilang pundasyon sang palaabuton nga pag-umwad sang ekonomiya.
Gin-umpisahan man sang presidente ang tikang sa pagpa- abanse sang science and technology (S&T) ilabi na sa eskwelahan nga amo ang may daku nga katungod sa pag-umwad sang nasyon pinaagi sa pagpa-umwad sang bag-o nga mag ideya para magpadulong sa pagprogreso kag pag-abri sa mga bag-o nga oportunidad para mag-umwad ang kalidad sang pangabuhi sang kada Pilipino.
Dugang pa niya nga ang road map padulong nga makab-ot ang kahimtang nga First World nga nakabase sa Medium Term-Philippine Development Plan (MTPDP) nga nahimtang ang mga estratehiya para mapadayon ang S&T kag magamit ang mga nahibaluan paagi sa four-pronged nga pamaagi, nga una ang pagpaayo sang competitiveness sang human capital, ikaduha ang pagpa-umwad sang critical mass of scientist kag R&D personnel, ikatlo amo ang pagpadasig sang knowledge creation kag dissemination para iduso ang productivity, ikaapat ang pagpaayo sang mga mekanismo kag programa nga magpalapnag sang technology-based entrepreneurship. (EBC/PIA 12) [top]
