PIA Press Release
Thursday, November 25, 2010Balon barangay, SK officials na Dagupan nansambaDagupan City (24 Nobiembre) – “Mantutulongan tila, pulayanan yo latay pulitika ta asumpal la.”Saya so kerew nen Mayor Benjamin S. Lim na sayan syudad ed saray balon pili iran opisyales na barangay tan sangguniang kabataan diad impansailita to ed agawan mass induction nen Miercoles diad People’ s Astrodome. Si Lim so nanserbin guest speaker tan inducting officer na saray balon opisyales manlalapud 31 barangay na syudad. Sakbay na oathtaking, wala ni agawan orientation-seminar parad sikara ya inkondukta na Department of Interior and Local Government. Naimano ya pigaran datin barangay chairman so akapawil ed puesto, ontan met ed pigaran re-electionists. Wala ra met so naimanon ag sinmabi ed mass induction ceremony ya nayarin rason no akin ya say mayor kinerew tod saray inmatendi ya paulyan la so pulitika pian nagawaan iray programa tan proyekto diad syudad. Nanonotan ya si Lim tinalo to so beteranon datin Mayor Alipio Fernandez Jr. ed imbeneg ya mayoralty election. Maslak ed saray opisyales na barangay so ituturon supporter nen Fernandez. (PIA Pangasinan) | 
