PIA Press Release
Tuesday, November 30, 2010Balon istilo na kwartay Pilipinas, ompaway laDagupan City (Nobyembre 30)) - Ipaway na Bangko Sentral na Pilipunas so balon istilo tan security features na kwartay Pilipinas ed ontombok ya bulan.Inpalapag nen Fe Dela Cruz, say corporate director na BSP, ya nairapan tan nagastusan na baleg iray managpeke tan managpalikdo na kwarta ta mairap ya aligen iray balon istilo na kwarta natan tan maganon nanengneng na totoo so peke tan andi. Inkwan ni nen Dela Cruz ya say balon istilo laot la ed samay limanlasos et walaay lupa nen datin Senador Benigno Aquino ya kaiba to lay datin Presidente Cory Aquino, saray ateng na Presidente natan.Amin ya balon disenyo et awalaan lay pirma nen Presidente Benigno Aquino III. Anggano umpaway lay balon disenyo, saray datin kwarta et naosar ni anggad i-phase-out ira ya ed ontombok ya talo o apat a taon. Imbaga met nen Dela Cruz ya osaren komon na saray totoo so barya o coins ta say pangusar ed saraya et makatipon so BSP na P15 milyon. Walay P17 bilyon ya pirasoy barya ya onkakandidad na P17 bilyon so ipapaway na BSP kada taon, inkwannen De la Cruz (PIA-Pangasinan) | 
