PIA Press Release
Monday, November 15, 2010Bulacan kabilang sa top 5 ng FutureGov AwardsMalolos, Bulacan (November 15) - Napabilang ang Bulacan sa Top 5 na nagwagi sa FutureGov Awards 2010 para sa Business Process Category na ginanap sa Kota Kinabalu, Malaysia kamakailan.Sa 869 information technology innovation entries mula sa iba’t ibang bansa sa Asia Pacific, kinilala ang pamahalaang panlalawigan ng tumanggap ng international recognition para sa Financial Management Information System, isang sistema na ginagamit ng mga opisina tulad ng accounting, budget, at treasury upang maging organisado at mabilis ang mga pinansyal na transaksyon sa kapitolyo. Ayon kay Rhea Liza Ramos, bagong pinuno ng Provincial Information Technology Office (PITO), nagpapatunay lamang ito ng patuloy na pagsusumikap ng pamahalaang panlalawigan na makapagbigay ng pinakamahusay at pinakamataas na antas ng paglilingkod sa larangan ng information technology. Matatandaan na ito na ang ikalawang pagkakataon na napabilang ang Bulacan sa top 5 ng FutureGov Awards. Nauna nang kinilala ang Bulacan Hospitals Information Systems na ginagamit ng Bulacan Medical Center para sa Data Centre Category noong 2009. Ang FutureGov Awards ay isang internasyunal na patimpalak na kumikilala sa matatagumpay na inobasyon ng mga pampublikong sektor sa larangan ng information technology partikular na sa pamahalaan, akademiya at organisasyong pangkalusugan sa mga bansang sakop ng Asia Pacific at Gulf States. (PPAO/ PIA Bulacan) | 
