Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 8 December 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R03 Submenu
Latest News
News Headlines
Foto Releases
One Luzon
Special Issues
Central Luzon Region

PIA Press Release
Saturday, January 07, 2012

Tagalog news: Nueva Ecija LGUs humihingi ng suporta sa publiko sa solid waste management

ni Lyndon Plantilla

STA. ROSA, Nueva Ecija, Enero 7 (PIA) -- Ayaw ng mga lokal na pamahalaan sa lalawigan na magkaroon ng problema sa basura.

Bukod sa panganib ng baha, sinabi ni Sta. Rosa Municipal Administrator Ruben Esquejo na naniniwala ang pamunuan ng kanilang bayan, sa pangunguna ni Mayor Otep Angeles, na magdudulot ng banta sa kalusugan kung hindi maayos ang pagpapatupad ng Solid Waste Management Act.

Ito rin ang dahilan kaya nagsagawa ng patimpalak nitong Disyembre ang bawat tanggapan ng kanilang munisipiyo gamit ang mga luma o ni-recycle na materyales gaya ng kutsara, tinidor, bote ng mineral water at iba pa.

Nilalayon ng patimpalak na palawakin ang kaalaman ng mga mamamayan hinggil sa batas at sa waste segregation upang mas madaling makapag-kumbinsi ng mga tao.

Bukod sa kampanya, isinaayos din ng pamahalaang bayan ang kanilang materials recovery facility (MRF) upang tanggapin ang mga ni-recycle na materyales mula sa iba't ibang barangay.

Sinabi pa ni Administrator Esquejo na nagpalabas na rin sila ng mga kautusan hinggil sa solid waste management para ipatupad ng mga lider-barangay sa kanilang mga nasasakupan.

Pagkatapos ng mga kautusan, magbabarangay-barangay din ang pamahalaang bayan para matiyak na hindi makakalimutan ng mga mamamayan ang paghihiwalay-hiwalay ng kanilang mga basura.

Una rito, sa panayam ng PIA, ibinahagi ng pamahalaang bayan ng General Tinio ang kanilang naging kampanya sa solid waste management.

Ayon kay Jun Bal, executive assistant ni Mayor Virgilio Bote, bawat barangay sa kanilang bayan ay hinikayat magtayo ng sariling MRF para ang maipapadala sa kanilang landfill ay mga nabubulok na lang.

Sinabi ni Bal na nakipag-alyansa sila sa mga simbahan at mga paaralan upang mapalawak ang kaalaman sa solid waste management lalo na sa mga kabataan. (WLB/LDRP PIA-3)

 
Latest Stories
  • Tagalog News: Libreng operasyon sa mata, ipagkakaloob sa mga may katarata, pugita (R03)
  • DOH gives free cataract operation to Bulakeños (R03)
  • Tagalog News: ‘A Day of Prayer,’ isinagawa sa Bulacan (R03)
  • ‘A Day of Prayer’ for Bulacan’s future (R03)
  • Tagalog News: CSC 3 patuloy na tumatanggap ng mga nominasyon para sa 2012 Search for Outstanding Public Officials and Employees (R03)
  • CSC 3 continues to accept nominations for the 2012 Search for Outstanding Public Officials and Employees (R03)
  • San Fernando to celebrate 11th Cityhood anniversary (R03)
  • Information saves lives (R03)
  • Tagalog News: Kabataang lumabag sa curfew, dadalhin sa Kanlungan Center (R03)
  • Youth curfew violators to stay overnight in Kanlungan Center (R03)
  • PNoy proclaims Feb. 3 a holiday in Bulacan (R03)
  • Tagalog News: Peb. 3, idineklara ni PNoy bilang isang non-working day sa Bulacan (R03)
  • Tagalog News: 7th ID Commander, may bagong misyon sa Western Visayas (R03)
  • 7th ID Commander gets new assignment in Western Visayas (R03)
  • Tagalog News: CSC 3 tumatanggap na ng mga aplikasyon para sa unang Career Service Paper and Pencil tests ngayong taon (R03)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines