Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 26 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R06 Submenu
Latest News
News Headlines
Foto Releases
One Visayas
Western Visayas Region

PIA Press Release
Friday, January 13, 2012

Hiligaynon News: Ombudsman magapadasig disposisyon sang kaso, zero backlog sa 2012

ni Elsa S. Subong

SYUDAD SANG ILOILO, Enero 13 (PIA6) -- Ang talatapan sang Ombudsman magapadasig sang disposisyon sang “high profile cases” kag magalambut sang zero backlog.

Ginpahayag ni Ombudsman-Iloilo Officer-in-charge Atty. Ma. Sonnette Daquita nga ini ang duha ka nagapanguna nga tinutoyu sang talatapan sa iya eight-point agenda para 2011-1018.

Ginsiling ni Daquita nga ginahatagan sila sang mandu ni Ombudsman Conchita Carpio-Morales nga maghatag atensyon sa high profile cases batuk sa mga opisyales nga may mataas nga palangaku-an sa gobyerno, nga nagalakip sang P50 milyones kag labaw kga ang dalagku nga mga kaso sa korapsyon.

“Ginamandu sa amon ni Ombudsman Carpio Morales nga indi mangin-kontento lamang sa “magagmay nga mga isda” kondi sa “dalagku nga mga isda” nga ara sa mga talatapan sang gobyerno,” siling ni Daquita.

Ara sa karon sa talatapan sa Iloilo ang mga 10 ka high profile cases nga napasaka na sa ulo-talatapan sang Ombudsman sa Manila, suno pa kay Daquita.

Dugang pa ni Daquita nga ang talatapan sang Ombudsman desidido man sa pagbuhin sang kadamuon sang mga indi prayoridad nga mga reklamo kag kaso, pareho abi sang indi korapsyon, pahuyog lang nga reklamo nga pwede man lang mapadala sa iban nga ahensya, katulad sang Civil Service Commission ukon Department of Justice.

Sa pagtigayon naman sang zero backlog, ang Ombudsman nagapatigayon sang istrikto nga tikang sa pagsunod sa natalana nga panahon para sa mga kaso sa idalum sang kasuguan.

Sa bilog nga pungsod may ara 11,000 ka pending nga mga kaso sa nagkalain-lain nga mga talatapan sang Ombudsman.

Ginsiling ni Daquita nga ining daku katama nga numeru sang mga kaso kag ang kakulang sang investigation officers, labi na gid mga abogado, naga-amut sa kabudlay apang naga-umpisa sila subong sa pagpadasig nga masolbar ang problema.

“Diri sa Iloilo, may ara lang duha ka abogado kag pila gid lamang ka hanas nga mga investigation officers,” ang siling ni Daquita.

Si Ombudsman Carpio Morales nagpanguna sa pag-implementar sang Centralized Uniform Case Monitoring System, nga makapadasig sang epektibo nga pagsunod sa mga kaso, nga nasandig man sa pangkabilugan nga kaayo sang mga tinawo kag mga pamaagi sa paghikot.

Sa pangkabilugan ang Ombudsman nagaplano sa pagtukod sang Committee on Rules nga magatipon kag magabag-o sang Rules of procedure sang talatapan.

Sa pihak nga bahin, ang Ombudsman-Iloilo nagaplanu sa pagpadayun sang ila mga impact projects nga ila ginsuguran sang 2011, parehO abi sang caravans of public services upod sa mga talatapan sang gobyerno, paghikut sang accountability seminars upod sa lokal nga pangulohan, kag pagpabaskug sang ila public assistance program. (JSC/ESS-PIA6 Iloilo)

 
Latest Stories
  • 500 poor families get 'bags of blessing' (R06)
  • Close to 200 Negros Occidental police officers get promotion (R06)
  • Police Information Officers receives commendation medals (R06)
  • Aklan detainees trained on proper waste management (R06)
  • Hiligaynon news: DOLE 6 may bag-o nga direktor (R06)
  • Mangrove tree planting to highlight World Wetlands Day (R06)
  • Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo (R06)
  • Various activities to mark World Wetlands Day in Iloilo (R06)
  • Hiligaynon news: Alert Level sa Yemen napanubo sa level 2 – DFA (R06)
  • Hiligaynon news: Katigulangan sa Capiz magabaton bakuna (R06)
  • DOLE 6 has new director (R06)
  • Hiligaynon news: May 287 ka mga kapulisan ang gin promote sa NegOcc (R06)
  • Capiz elderly to avail immunization (R06)
  • Starter kits provided to 100 SMAW graduates (R06)
  • Bacolod City re-launches the green movement (R06)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines