Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 21 April 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R07 Submenu
Latest News
News Headlines
Foto Releases
One Visayas
Special Reports
Infobytes eNewsletter
Central Visayas Region

PIA Press Release
Friday, January 06, 2012

Cebuano news: Mga kabanay sa mga biktima sa bagyong Sendong nakadawat ug hinabang gikan sa NDRRMC

CEBU CITY, Jan. 6 (PIA) -- Ang mga kabanay sa mga biktima sa bagyong Sendong sa probinsya sa Negros Oriental nakadawat ug kwartang hinabang gikan sa National Disaster Risk Reduction Management Council (NDRRMC) atol sa gipahigayong turn over kagahapong adlawa didto sa Session Hall sa buhatan sa kapitolyo sa probinsya.

Personal nga gipangulohan ni gobernador Roel Degamo ang pagpang-apud-apud sa mga sobre nga adunay sulod nga kantidad nga mokabat sa P10,000 ngadto sa matag usa sa 38 ka mga pamilyang nawad-an ug kabanay tungod sa dakong baha resulta sa bagyong Sendong.

Ang kinatbuk-ang kantidad sa hinabang gitugyan sa NDRRMC ngadto sa Office of Civil Defense (OCD).

Ang tanang mga piniling benepisyaryo naggikan sa lain-laing lungsod sa probinsya nga grabeng apektado sa bagyong Sendong, ug kini gilangkoban sa Valencia, Sibulan, Dumaguete City, Bacong, Siaton, San Jose, Tanjay City ug Pamplona.

Matud ni OCD Region 7 Director Minda Morante, aduna pa’y laing nagpaabot nga mga hinabang alang sa uban pang mga pamilyang biktima sa nahitabong baha.

Human sa pagpang-apod-apod sa mga kwartang hinabang sa mga pamilyang nawad-an ug kabanay, sunod nga atimanon sa probinsya mao ang paghatag usab ug hinabang sa mga pamilyang nawad-an sa ilang mga panimalay.

Lakip sa mga nakadawat sa kantidad mao si Elvin Balbon, 36, nawad-an sa iyang amahan ug tulo ka mga anak human gibanlas sa dakong baha ang ilang pinuy-anan nga nahimutang sa Brgy. Tibtubon, lungsod sa Sibulan

Gibutyag ni Balbon nga buot niyang gamiton ang iyang nadawat nga hinabang gikan sa gobyerno sa pag-abang ug yuta o pinuy-anan nga mamahimong puy-an niya ug sa iyang mga nahabiling miyembro sa pamilya.

Human sa nahitabong turn-over, giaghat ni Gov. Degamo ang mga pamilya sa pagpangita ug luwas nga mga lugar nga maoy mamahimo nilang bag-ong pinuy-anan ug dili na mobalik sa mga lugar nga kuyaw sa baha ug pagdahili sa yuta.

Kahinumdoman nga ang bagyong Sendong miigo sa probinsya niadtong Disyembre 17, 2011 nga miresulta sa pag-apaw sa duha ka mga dagkong sapa nga maoy mibanlas sa mga kabalayan, taytayan ug uban pang mga edipisyo sa Negros Oriental.

Matud sa usa ka report nga gipagawas sa Provincial Disaster Risk Reduction Management Council (PDRRMC) niadtong Disyembre 23, 2011, mokabat sa 37 ka mga kinabuhi ang nakalas uban sa laing unom nga padayon pang gipangita.

Gibana-banang mokabat sa P694.45 ka milyon ang kinatibuk-ang danyos sa tanang imprastraktura nga nahanaw lukop probinsya.(mbcn/PIA-7 & CTU/Maryknoll B. Lague)

 
Latest Stories
  • Solar energy to light up 75 more houses in off-grid areas in NegOr (R07)
  • NGO urges public to collect, propagate seeds to create native tree forests in CV (R07)
  • DSWD brings Pantawid Pamilya program to Dumaguete City (R07)
  • NGO to hold free breast, cervical cancer screening (R07)
  • Cebu-based NGO to hold free screening for breast, cervical cancer (R07)
  • Army, NGOs serve free health services (R07)
  • Negrenses invited to join e-Trike design contest (R07)
  • Solar bottle bulbs light up public market in Asturias town (R07)
  • Simple floating deck in Asturias town attracts local tourists (R07)
  • Ubay opens high caliber Basketball tournament (R07)
  • Feature: Agrarian communities upbeat on communal irrigation (R07)
  • Dumaguete’s Sinulog Festival contingent lands in Top 10 (R07)
  • NYC to conduct reg'l orientation on PYDP (R07)
  • Info, marketing complexes soon to rise for agrarian communities in Bohol (R07)
  • Bohol rice production Up by over 16 percent in 2011 By Rey Anthony H. Chiu (R07)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines