PIA Press Release
Thursday, January 19, 2012Cebuao news: Dul-an P75.5 milyones Infra-Projects sa Comval nahuman sa 2011COMPOSTELA VALLEY, Enero 19 ---Mikabat sa kapin P86.25 Milyones Pesos nga kantidad sa mga proyektong imprastraktura nga giimplementar sa probinsiya ilalom sa liderato nila ni Governor Arturo “Chiongkee” Uy ug Vice Governor Ramil Gentugaya sa nakabalay’ng 2011, 57 niini ang nahuman sa kantidad nga kapin P75.416 Milyones Pesos.Base sa gipagulang report sa Provincial Engineer’s Office ilalom sa pagdumala ni Engr. Roderick Digamon, nahuman gayud pagtukod sa probinsiya niadtong nakalabay’ng 2011 ang mokabat P28,469,608.68 nga kantidad sa Building Projects sa 28 ka Barangays sa Compostela Valley. Apil na niana ang 16 ka mga classrooms nga natukod ilalom sa “Kalinga sa Kabataan, Bayanihan sa Paaralan Program” ni Governor Uy. Apil sad sa mga nahuman niadtong nakalabay’ng 2011 mao ang 2,610.00 metrong concrete roads sa kantidad nga P18,770,250.00, ang mokabat 13.6 km. road rehabilitation projects sa kantidad nga P13,408,230.85, ang P2,091,069.13 nga kantidad sa electrification projects, ang P2,273,929.64 nga kantidad sa water system projects, ang P4,068,269.15 nga bridge projects sa Pangutosan ug enhancement sa Banglasan, ug ang P3,270,000.00 nga Desilting (dredging) projects kon pagpanghabwa sa lapok diha sa mga sapa nga gikabalak-ang magdala ug kadaot sa katawhan kun magbaha. Samtang aduna pay on going projects kun mga proyektong padayon karon nga ginatrabaho sa Probinsiya pinaagi sa Provincial Engineer’s Office sa kantidad nga P10,835,694.74 pesos. Kasagaran niini mao ang Road Rahabilitation, Bank Protection Dike, ang re-channeling ug pagpanghabwa sa lapok sa mga kasapaan, mga Riprapping Works, pag-repair sa tulay, ang pagtukod ug pagpang-ayo sa dugang classrooms, ug uban pa. (FMGM/RGA/PIA XI/Gilbert M. Cabahug, ids- comval) |
