PIA Press Release
Monday, January 02, 2012Aklanon news: Aklan mayad ro umpisada it dag-on bangud sa ELAni Venus G. Villanueva KALIBO, Aklan, Enero 2 (PIA) -- Mayad ro umpisada it dag-on para sa Aklan bangud sa pag-adoptar it Sangguniang Panlalawigan (SP) it Executive Legislative Agenda (ELA) para sa 2010-2013. Gin adoptar ro ELA it SP sa isaea sa mga pinakaulihi kara nga sesyon ku bag-o eang nagtakup nga dag-on. Ro ELA ro nabutangan it mga prayoridad ag plano it gobyerno probinsyal nga iga implementar it departamentong ehekutibo nga may katimbang nga suporta lehislatibo halin sa SP. Sa pagpasaeamat sa SP sa aksyon kara, ginhambae ni Governor Carlito Marquez nga ro ELA hay magaserbe nga mapa kon siin nakabutang ro mga programa ag proyekto it gobyerno probinsyal, gina rekognisar, gina aprobahan ag ginakabuligan it tanan. Sa parte ni Vice Governor Gabrielle Calizo-Quimpo, ginhambae nana nga ro balanse nga tikang suno sa mga ideya hay importante sa husto nga panggobyerno. Gindugang pa gid ni Calizo-Quimpo nga sa pagpasar it ELA nga may mayor nga mga plano para sa pagprogreso it probinsya, napanan-aw nana nga tayuyon ag matawhay ro pagtrabaho para sa mga proyekto sa probinsya sa sueod it tatlong dag-on. (SP/JSC/VGV-PIA6 Aklan) | 
