PIA Press Release
Wednesday, January 04, 2012Kinaray-a News: Presidente Aquino padayun magata-o prayoridad sa mga programa nga maka pamayad kang pangabuhi kag ekonomiya sa 2012.ni Pilar S. Mabaquiao SAN JOSE, Antique, Enero 4 (PIA6) -- Ang Malacanang nagapasiguro sa mga Filipino nga si Presidente Benigno S. AquinoIII padayun nga magata-o kang prayoridad sa mga programa nga makapamayad kang pangabuhi kag maka pasanyog kang ekonomiya paagi sa pagtapna kang kurakot sa gobyerno. Sa pagpakig hinun-anun sa miyembro kang mamahayag kang Lunes si Presidential Spokesperson Edwin Lacierda nagpasiguro nga sinsiro ang Presidente sa anang pangako para sa kaaraydan kang katawhan. Ang Presidente padayun nga nagatuyo sa pagpasanyog kang ekonomiya, pag serbisyo sa mga pobre nga katawhan, lakip na ang pagtapna kang “graft and corruption,” hambal ni Lacierda. Tuhoy sa pagpahalin kay Chief Justice Renato Corona nga possible maka-apekto sa anang trabaho bilang Presidente, ginhambal ni Lacierda ang Presidente padayun nga nagata-o ka pagtamud sa anang obra kag ang amo nga kaso hindi maka apekto sa pag serbe sa mga katawhan. Ang amo nga kaso napasaka na sa Senado, gani nga sanda run ang may responsibilidad sa pagpadalagan kadya. Hindi dya mangin upang sa obra ka Presidente, hambal ni Lacierda. (JSC/PSM-PIA6 Antique) | 
