PIA Press Release
Wednesday, January 04, 2012Hiligaynon News: Philippine Red Cross nagbukas sang sanga sa Kabankalanni Carolina A. Dionela SYUDAD SANG KABANKALAN, Neg. Occ., Enero 4 (PIA6) -- Ang Philippine Red Cross (PRC), Bacolod City Chapter nagbukas sang ila sanga sa Syudad sang Kabankalan para mapasangkad pa gid ang ila mga serbisyo sa nabagatnan nga bahin sang Negros Occidental. Ang sanga sa Kabankalan magapasaka sa ikasarang sang Philippine Red Cross sa pagsabat sang mga kinahanglanon sang pumoluyo sa Distrito V kag VI. Ang pagbutang sang sanga may mga tinutoyu nga nagalakip sang pagbulig sa pagpasanyog kag magpatigayon sang anum ka mayor kag daku nga serbisyo sang Red Cross para mapalapit sa mga syudad kag kaingud nga mga kumonidad, para makilala kag mapasanyog ang nagapanguna nga mga lugar, para mapadaku ang pundo sang Red Cross paagi sa mga donasyon sang mga korporasyon kag pagkampanya sa mga katapu, kag pagtukod sang community-based volunteerism. Ang PRC nagpili man sang ila mga board of directors sa Kabankalan, sang paglunsar kag paghiwat sang assembly sa kada duha ka tuig, sining karon lamang. Ang mga napilian amo nanday Adolfo Mangao Sr., Demetrio Ruiz, Grace Sablaon, Josefa Claudella Pabillo, Noe Abello, Mercedita Zayco, Rogelio Diaz, Jimmy Maravilla, Val Bachita, Jefty Casteelon, Paul Tagamolila kag Ma. Virginia Española. Ang syudad sang Kabankalan nahamtang sa nabagatnan nga bahin sang Negros Occidental. Ini ang 97 ka kilometro halin sa syudad sang Bacolod kag may 100 ka kilometro ang kalayu-on sa syudad sang Dumaguete, Negros Oriental.*(JSC/CAD-PIA6 Neg.Occ.) |
