PIA Press Release
Wednesday, January 11, 2012Kinaray-a News: Banwa ka San Jose nagapatigayun kang ‘one-stop-shop’ sa pagparehistro ka negosyoni Pilar S. Mabaquiao SAN JOSE, Antique Enero 11 (PIA6) -- Ang lokal nga pamunu-an kang San Jose de Buenavista, nagapatigayun kang "one-stop-shop" sa pagparehistro kang negosyo bilang sangka pamaagi nga magraku ang magtukod kang negosyo. Si Dionisio Jubilan, tag-iya kang Binirayan Cottages, sangka lugar darayunan sa San Jose isara sa mga ginatos nga naka-agum kang serbisyo sa ‘one-stop-shop’ nga makita sa atubang nga bahin kang Munisipyo. “Mahulas kanamun nga mga negosyante amg amo nga pama-agi," hambal ni Jubilan. Hindi na kami magpanaw pa sa nagkalain-lain nga opisina para magpapirma kang mga natungdan nga hepe nga kinahanglanun maga aprobar sa amon lisensya tungod nga ridya na tanan makita sa "one-stop-shop", dugang pa-athag ni Jubilan. Suno kay Mayor Rony L. Molina, bilang hepe kang banwa, dapat mapatigayun ang mga kinahanglanun kang mga negosyante para mahagad pa gid sanda nga magdugang kang andang pondo sa mga negosyo. Ang Department of Trade and Industry nagpanginbulahan kay Mayor Molina sa pagdumara kang one-stop-shop halin kang 2008. “Dya sangka mayad nga ehemplo sa mga ehikutibo bilang pagsunod sa gintuyo nga reporma kang gobyerno sa Business Permit Licensing System standardization,” hambal ni DTI Provincial Director Jose Divinagracia. Ang DTI kaimaw sa Department of the Interior and Local Government nagapatigayun kang mga hirikuton para mangin sampaton ang mga lokal nga pamunu-an sa paghagad kang raku nga mga negosyante. Isara nga mga pama-agi amo ang paghimo kang simple nga proseso sa pagrehistro kang negosyo. Ang one-stop-shop bukas hasta pa sa Enero 20. (JSC/MLG/PSM-PIA6 Antique) | 
