Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 16 February 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R06 Submenu
Latest News
News Headlines
Foto Releases
One Visayas
120201-r6-goodjob

GOOD JOB. Capiz police director S/Supt. Domingo S. Cabillan congratulates newly promoted policemen during the mass oath-taking and pinning of ranks last Jan. 30 at the Capiz Police Provincial Office in Barangay Lanot, Roxas City. The ceremony formally promoted 124 police officers in the province for their contribution to CPPO’s accomplishments in 2011. (CPPO/PIA Capiz photo/A. Lumaque)
Western Visayas Region

PIA Press Release
Thursday, January 12, 2012

Hiligaynon News: Oportunidad sa trabaho para sa mga Ilonggo natalana Enero 20

ni Lilibeth A. French

SYUDAD SANG ILOILO, Enero 12 (PIA6) -- Isa naman ka oportunidad sa pagpangin-empleo ang igapresentar sa mga yadtong nagapangita sang trabaho sa pagpatigayon sang siyudad sang Iloilo pinaagi sa iya Public Employment Service Office sang nahauna nga jobs fair sa sining siyudad para sa karon nga tuig.

Ang isa ka adlaw nga jobs fair “Hala Bira…Trabaho Na! Halad ni Mayor Jed Patrick Mabilog Dinagyang Jobs Fair” pagahiwaton sa Amigo Plaza Mall sa Enero 20 bilang kabahin sa mga aktibidad nga gintalana para sa 2012 Dinagyang Festival.

Ginsiling ni Iloilo City PESO Manager Allan Zaldivar nga 35 ka mga lokal nga kumpaniya kag 15 ka mga overseas employment agencies ang magapasakop sa amo nga adlaw magatan-ay sang job openings para sa mga skilled workers, nars, mga grawado sang kurso sa hotel and restaurant management kag negosyo, kag iban pa.

Sang nagligad nga tuig ang Iloilo City PESO ang madinalag-on nga nakapatigayon sang 14 ka jobs fair nga nagresulta sa kapin ka 23,000 job placements diri kag sa luwas sang pungsod.

Suno kay Zaldivar ang Iloilo City PESO nagaplano nga malapawan pa ang mga hinimuan sa bahin sang pagpatigayon sang jobs fair sini nga tuig kasubong sang pagpabakod pa sang iya “Trabaho sa Plaza”.

Ginpahayag sini nga patigayunon nila ang “Trabaho sa Plaza”, isa ka jobs fair nga ginahiwat sa mga plaza sang nanuhaytuhay nga mga distrito sa tagsa ka quarter may kaangtanan man sa pagpanikasog sang panguluhan sang siyudad nga himuon ang oportunidad sa pagpangin-empleyo nga accessible ilabi na sa yadtong mga nagapangita sang trabaho nga may kakulang pinansyal.

Sa isa ka report sining damlag lang, ginhatagan pagtamod ni Tiglikom Rosalinda Baldoz sang Department of Labor and Employment ang kontribusyon sang PESOs sa employment performance sang ekonomiya sang nagligad nga tuig.

"We credit the effective work of our 1,069 PESOs in all 16 regions of the country in elevating to positive the employment performance of the economy in 2011," siling ni Baldoz samtang iya ginpahayag nga ang PESO instrument sa pagpahamtang sang 1,108,908 jobseekers sa tanan nga sahi sang trabaho- kalabanan sini ang sa wage employment sa pungsod humalin Enero tubtub Disyembre 2011.

Suno kay Baldoz ang PESO nagadala sang daku nga bahin sa paglab-ot 22-point labor and employment agenda ni Pangulong Benigno Aquino III kag sa pagsabat sa tinutuyo sang iya Social Contract sa mga pumuluyong Pilipinhon kag ang Labor and Employment Plan 2011-2016 nga kaundan sang Philippine Development Plan 2011-2016. (JSC/LAF-PIA6 Iloilo)

 
Latest Stories
  • 500 poor families get 'bags of blessing' (R06)
  • Close to 200 Negros Occidental police officers get promotion (R06)
  • Police Information Officers receives commendation medals (R06)
  • Aklan detainees trained on proper waste management (R06)
  • Hiligaynon news: DOLE 6 may bag-o nga direktor (R06)
  • Mangrove tree planting to highlight World Wetlands Day (R06)
  • Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo (R06)
  • Various activities to mark World Wetlands Day in Iloilo (R06)
  • Hiligaynon news: Alert Level sa Yemen napanubo sa level 2 – DFA (R06)
  • Hiligaynon news: Katigulangan sa Capiz magabaton bakuna (R06)
  • DOLE 6 has new director (R06)
  • Hiligaynon news: May 287 ka mga kapulisan ang gin promote sa NegOcc (R06)
  • Capiz elderly to avail immunization (R06)
  • Starter kits provided to 100 SMAW graduates (R06)
  • Bacolod City re-launches the green movement (R06)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines