PIA Press Release
Thursday, January 12, 2012Kinaray-a News: P4.2 bilyon gin pa gua para sa SUCs (MLG)MANILA, Antique, Enero 12 (PIA) -- Gintugotan ni Presidente Benigno S. Aquino III ang pagpagua kang pondo sa kantidad nga P4.2 bilyones para sa pag improbar kang kalidad kang edukasyon kag pag pasangkad kang antas sa mga state universities kag colleges (SUCs).)Si Budget Secretary Florencio Abad nag anunsyo man nga ang bag-o nga alokasyon nga dya sa mga SUCs kabahin kang dugang nga stimulus package nga P13.4 bilyon fiscal stimulus okon gintawag man nga Disbursement Acceleration Plan nga ka dya lang na aprobar kang Presidente. "Si Presidente Aquino komitido sa pagpaugwad kang kalidad kang edukasyon kag pagpasaka kang antas kang mga state universities kag cxolleges. Gin desisyonan nga palapadon pa ang pondo sa tertiary education para matugroan ang mga estudyante kang dugang nga kahigayonan sa edukasyon," hambal ni Abad. Sa P4.2 bilyon, P3.356 bilyon igamiton sa pagsuporta kang institutional capacity building nga aktibidades sa mga naga panguna nga SUCs, hambal ni Abad. Dya nagalakip kang pag paugwad kang importante nga fasilidad sa imprastraktura (P2.631 bilyones), grant in aid for research, development kag extensyon (P560 milyones) kag exectutive development (P165 milyones). Ang P500 milyones nga ginpain para sa Grants-in-Aid program magatugro suporta sa mga kubos nga estudyante para sanda maka eskwela sa kolehiyo. Ang mga bebepisyaryo maga enroll sa pryoridad nga kurso parehas kang science kag technology, agriculture/fisheries kag entrepreneurship sa SUCs nga may bulanan nga stipends kag allowances. (JSC/MLG-PIA6 Antique) | 
