PIA Press Release
Friday, January 13, 2012Hiligaynon News: ‘One – Stop Shop’ sa Roxas City magapadayon tubtub Enero 20ni Alex A. LumaqueSYUDAD SANG ROXAS, Capiz, Enero 13 (PIA 6) -- Magapadayon tubtub Enero 20 ang One-Stop Shop nga gintukod sang lokal nga panguluhan sang syudad sang Roxas agud nga mapahapos ang paggawad subongman pag-renew sang business permit. Ang nasambit nga inisyatibo ang nakabulig ilabi na sa mga negosyante nga gusto makahingabot sa deadline sa pag-renew sang pagnegosyo agud nga malikawan ang pagbayad sang multa. Ginpahayag ni Gerry Pagharion sang Roxas City Press Bureau (RCPB) nga nangin matalunsay ang proseso sa bulig kag ideya ni Carmen Andrade nga consultant sang syudad. Samtang ang one-stop shop ang nagasuporta naman sa Expanded Investment Incentives Code (RCEIIC) sang syudad nga nagahatag sang makagalanyat nga tanyag sa mga negosyante nga magnegosyo sa syudad. Ang RCEIIC ang nagatuyo man nga maghatag sang legal framework kag mekanismo agud nga matingub ang mga pang-insentibo nga pagsulondan sang nasyonal nga gobyerno kag syudad. (JSC/AAL-PIA 6 Capiz) | 
