PIA Press Release
Saturday, January 14, 2012Hiligaynon news: Mga Bacoleños ginapangabay sa pagsakdag sang BacoLaodiatni Carolina A. Dionela SYUDAD SANG BACOLOD, Enero 14 (PIA) -- Ang resolusyon nga nagapangabay sa mga Bacoleños sa pagsakdag kag pagpasakup sa pagsaulog sang ika 7th BacoLaodiat Festival sa Enero 20-23, nga gindihon ni Konsehal Em Legaspi-Ang, gin aprobahan sang Bacolod Sangguniang Panlungsod sining karon lamang. Ang resolusyon nagasiling nga ang Syudad sang Bacolod magasaulog sang ika-7 nga BacoLaodiat Festival sa Enero 20-23, 2011 sa pagkilala sang Chinese New Year. Sa nahibaluan, ang BacoLadiat Festival nagsugod pa sang tuig 2006 kag ini ginahiwat kada tuig sa tion sang Chinese New Year, ini sa pagpakita sang pagsuporta kag pagpasalamat sa mga Filipino-Chinese nga kumonidad sa ila mga pagbulig sa lokal nga ekonomiya kag pagpaambit sang ila kultura, mga pamatasan kag mga tradisyon sa mga pumoluyo sang Bacolod. Sugud sang una, ang ini nga kahiwatan nangin medyor na nga tourism event sang Bacolod.*(JSC/CAD-PIA6 Neg.Occ.) | 
