PIA Press Release
Saturday, January 14, 2012Hiligaynon news: Pagpasanyog sang ekonomiya nagapadayonMANILA, Enero 14 (PIA) –- Ginpabutyag ni Pangulong Aquino nga padayon nga igaduso sang gobyerno ang pagpasanyog sang ekonomiya kag paghimo sang mga oportunidad para sa mga trabaho sa pungsod.Ini ang ginpahayag sang Pangulo sa tion sang Toast at the Vin d’honneur nga ginhiwat sa Palasyo sang Malacanang sini lang para sa mga katapu sang diplomatic corps kag mga opisyales sang gobyerno kalakip na ang pila ka mga bisita. Sa masobra na sa is aka tuig nga iya pagpungko bilang Presidente, ginpahayag ni Aquino nga napahamtang sang iya administrasyon ang mga kondisyones sa pungsod para sa pagganyat sang dugang nga mga puhunan kag pagtukod sang mga negosyo nga kinahanglanon para sa pag-uwag sang ekonomiya. Nahibaluan nga kalakip man sa mga tikang nga ginahimo sang administrasyon Aquino may kaangtanan diri amo ang pagpagua sang pundo sang gobyerno agud gastohon sa mga programa kag proyekto nga makabulig patib-ong sang ekonomiya. Sini lang, ginpaalinton sang Department of Budget and Management (DBM) nga halos 100 porsyento sang badyet sang gobyerno ang napagua nila sa mga ahensya kag talatapan sang gobyerno tuhoy sa nasambit nga tinutuyo. Ang gobyerno ang nagaganyat kag nagakuha man sang suporta sang pribado nga sector para sa pagpatigayon sang mga proyekto sa idalum sang Public-Private Partnership. (JSC/PIA6) | 
