PIA Press Release
Thursday, January 19, 2012Hiligaynon news: Aquino magadugang pa gid sang paghimakas agud madala ang pungsod sa magtaas nga pagsanyugManila, Enero 19 (PIA6) – Ang gobyerno ni Presidente Aquino magapadayun pa gid sa paghimakas agud madala ang pugnsod sa mas mataas nga pagsanyug sa tunga sang pinaka-ulihi nga survey sang Bank of America-Merrill Lynch nga nagapakita nga ang mga nagadumala sang mga pundo pangkalibutan nagdugang sang ila posisyon sa Pilipinas nga naghimo sini nga ikatlo nga ginapasulabi nga merkado sa kalibutan.Nagsiling si Secretary Lacierda sa isa ka pahayag nga suno sa pagtu-on sang Bank of America-Merril Lynch, ang Pilipinas nangin ikatlo nga ginapasulabi nga merkado sa kalibutan sunod sa China kag Indonesia. Ini bangud sa pagpa-abot nga sa tunga sang apat ka credit upgrades, ang grado sang pungsod sa pahunan igapataas pa gid sa mga ulihi nga bahin sa sini nga tuig. Dugang ni Lacierda nga ini bangud man sa kumpyansa sang mga manugpahunan nga gintib-ong sang reform agenda sang Presidente. Ang mga report nagapakita nga ang serye sang mga upgrades sang isa ka tuig, isa ka pagpaktia nga ang programa sa ekonomiya ni Aquino ara sa husto nga direksyon. Ang Fitch Ratings nagpataas sang credit rating sang Pilipinas sa BB+ from BB sang Hunyo, isa ka grado sa idalum sang credit rating sang grado sa pahunan sang kompaniya. Standard & Poor's, nga isa pa gid ka credit rating nga kompaniya, nagpataas sang iya panan-aw sa Pilipinas halin sa mapag-on pakadto sa positibo sang Nobyembre, bangud sa mabaskug nga external liquidity kag sang nag-ayo nga fiscal position. Si Lacierda nagsiling nga padayun ang gobyerno Aquino sa pagtrabaho padulong sa tinutuyo nga maangkon ang tayuyun nga inclusive growth sa pungsod. Ang isa ka ekonomiya nga inclusive amo kung sa diin ang mga pumoluyo natagaan sang gahum sa pagpaayo sang ila mga kabuhi kag sa pagbulig sa kaayuhan sang pungsod. (JCM/PIA6) | 
