Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 22 May 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
Region R06 Submenu
Latest News
News Headlines
Foto Releases
One Visayas
120201-r6-goodjob

GOOD JOB. Capiz police director S/Supt. Domingo S. Cabillan congratulates newly promoted policemen during the mass oath-taking and pinning of ranks last Jan. 30 at the Capiz Police Provincial Office in Barangay Lanot, Roxas City. The ceremony formally promoted 124 police officers in the province for their contribution to CPPO’s accomplishments in 2011. (CPPO/PIA Capiz photo/A. Lumaque)
Western Visayas Region

PIA Press Release
Monday, January 23, 2012

Hiligaynon news:Tribu Pan-ay, Salakayan nagpangibabaw sa Dinagyang, Kasadyahan nga kumpetisyon

ni Lilibeth A. French

SYUDAD SANG ILOILO, Enero 23 (PIA) -- Ang Tribu Pan-ay madinalag-on nga nadepensehan ang kampyonato sang Ati Dance Competition samtang ang Tribu Salakayan nagpag-uli bilang nahauna nga kampyon sang Kasadyahan Regional Cultural Competition sang Dinagyang Festival 2012 ginhiwat Enero 21 kag 22.

Ginlutos sang Tribu Pan-ay sang Fort San Pedro National High School ang 12 ka iban nga hubon nga nagpasakup sa sini nga tuig nga kumpetisyon. Gindaug man sini ang mga menor nga awards kasubong sang Best in Performance, Choreography, Best in Music kag Best in Costume.

Nakuha man sang tribu ang mga special awards nga ginalakipan sang Best Costume Designer, Best Costume Designer kag Best Musical Director. Gindominar man sini ang Opening Salvo pagkatapos nga nakuha sini ang mga awards kasubong sang Best in Over-all Performance, Best in Discipline kag Best Costume.

Ginabug-usan ang nagapanguna nga lima ka mga nagdaug sa Ati-Dance competition sang Tribu Lunok sang Iloilo City National High School-1st runner up; Tribu Ilonganon sang Jalandoni Memorial National High School-2nd runner up; Tribu Paghidaet sang Lapaz National High School-3rd runner up; kag Tribu Atub-Atub-4th runner up.

Samtang ang Tribu Salakayan sang munisipalidad sang Miag-ao ang ginhingalanan bilang nahauna nga kampyon sang Regional Kasadyahan Cultural Competition pagkatapos nga malutos ang 8 ka iban nga nagapasakop nga performers sa rehiyon. Nakuha man sang Salakayan ang mga minor awards kasubong sanggBest in Performance, Best in Choreography kag Best Choreographer.

Iban pa nga nagapanguna nga tagdaug sang karon nga tuig nga Kasadyahan ginalakipan sang Tribu Mandaragat sang San Jose, Antique-1st runner-up; Hubon Sinulog sang Oracon sang Sibunag, Guimaras- 2nd runner-up; Sinadya sa Halaran sang Roxas City, Capiz, 3rd runner-up; kag Tribu Maragtas sang West Visayas State University, Iloilo City-4th runner up.

Bilang kampyon, ginbaton sang Tribu Pan-ay kag Tribu Salakayan ang P150,000 kag P125,000 cash prizes, tropeyo kag pagpang-agda nga magpasundayag sa Aliwan Festival, isa ka pagtililipon sang mga maayo nga festival sa rehiyon sang pungsod sa diin ang Tribu Pan-ay amo ang kampyon sang nagligad nga tuig.

Ginbaton man sang mga kampyon ang P10,000 sa tagsa ka menor nga award nga ila nadag-an kag P5,000 sa tagsa ka special award. Apang ang Tribu Pan-ay nakakuha sang dugang nga P50,000 sa pagdaug sang tanan nga awards sat ion sang opening salvo sang Enero 13.

Ang kumpetisyon nga Ati-Dance kag Kasadyahan amu ang nagapanguna nga mga highlight sang tuigan nga Dinagyang Festival nga ginaselebrar sa pagpasidungog kay Sr. Sto Nino sa pagpasundayag sa manggaranon nga arts, kultura kag heritage sang mga Ilonggos.

Ang festival nakabaton man sang nanuhaytuhay nga awards bilang pagkilala sa iya hinimuan sa pagpalapnag sang turismo kag adbokasiya sang maayo nga pagdumala, lokalisasyon sang Millenium Development Goals kag madinalag-on nga public-private partnership.

Pila sining mga awards amo ang Galing Pook Award, International Awards for Liveable Communities, Hall of Fame Award bilang Best Tourism Event sang pungsod sang 2006, 2007 kag 2008, Grand Champion sang Aliwan Fiesta sang 2004, 2010 kag 2011.

Ginkilala man ini bilang best practice para sa public –private partnership sang Asian Development Bank; lokalisasyon sang Millenium Development Goals sang United Nations Development Programme; kag para sa Responsible Citizenry and Public-Private Cooperation sang Institute for Solidarity in Asia Good Governance.

Ang mga dumuluong nga mga dignitaryo ang pila sa mga nagsaksi sa sa maduagon kag ispektakular nga pagpasundayag sang mga nagapasakup nga grupo sa Freedom Grandstand, isa sa apat ka mga judging areas. Pila sini amo sanday US Ambassador sa Pilipinas Harry Thomas kag South African Ambassador Agnes Nyamande-Pitso, kag mga opisyal nagikan sa embahada sang pungsod Pransya.

Yara man sadto sa Freedom Grandstand sanday Senador Franklin Drilon, Senador Antonio Trillanes kag Congressman Teddy Casino. Gin-updan ini sila nanday Valenzuela City Mayor Sherwin Gatchalian Bais City Mayor Karen Villanueva, Bacolod City Mayor Evelio Leonardia, kag San Jose, Antique Mayor Rony Molina, kag iban pa nga mga bisita. (JSC/LAF-PIA6 Iloilo)

 
Latest Stories
  • 500 poor families get 'bags of blessing' (R06)
  • Close to 200 Negros Occidental police officers get promotion (R06)
  • Police Information Officers receives commendation medals (R06)
  • Aklan detainees trained on proper waste management (R06)
  • Hiligaynon news: DOLE 6 may bag-o nga direktor (R06)
  • Mangrove tree planting to highlight World Wetlands Day (R06)
  • Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo (R06)
  • Various activities to mark World Wetlands Day in Iloilo (R06)
  • Hiligaynon news: Alert Level sa Yemen napanubo sa level 2 – DFA (R06)
  • Hiligaynon news: Katigulangan sa Capiz magabaton bakuna (R06)
  • DOLE 6 has new director (R06)
  • Hiligaynon news: May 287 ka mga kapulisan ang gin promote sa NegOcc (R06)
  • Capiz elderly to avail immunization (R06)
  • Starter kits provided to 100 SMAW graduates (R06)
  • Bacolod City re-launches the green movement (R06)

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines