PIA Press Release
Tuesday, January 24, 2012

Hiligaynon News: 2013 nga badyet magasentro sa lima ka bahin

Si Abad nagsiling nga ginsugdan ini sang gobyerno sa 2012 kag ang administrasyon magadugang sang mga pundo sa mga programa kag proyekto nga na-angay sa mga prayoridad sang social contract sang gobyerno.

Ang lima ka Key Result Areas (KRAs) sang gobyerno amo ang:1) hayag, may salab-ton ka participatory nga pang-gobyerno; 2) pagbuhin sang kaimulon kag paghatag poder sa mga imul kag maluya;3) madasig, inclusive kag tayuyun nga pagsanyug sa ekonomiya; 4) nagakalaigo kag padayun nga kalinongan kag ang pagpangibabaw sang laye; 5) integridad sang palibot kag climate change adaptation kag mitigation.

Tuhoy sini si Abad nagsiling nga ang 2013 nga badyet magapaseguro nga ang husto nga pagdumala sang mga pundo sang gobyerno nga magasento sa maayo nga panggobyerno, paghatag sang poder sa mga imul, pagduso sa inclusive nga pagsanyug, pagpataas sang seguridad nasyonal kag ang pag-amlig sang lokal nga natural nga manggad sa mas malapad nga eskala.

Katulad sini, ang P1,816 trillion nga badyet nasyonal para sa 2012 nga subong ginapatigayon sang DBM nagpain sang pundo agud makatugot sang mga departamento kag ahensya sang gobyerno sa pag-implementar sang mga programa nga makatuga sang deretso, gilayon kag tayuyun nga benepisyo para sa mga Pilipino.

Suno sa kay Abad nga ang gobyerno nagpain sang daku nga bahin sang subong nga badyet nasyonal sa serbisyo sosyal, nga nagalakip sang mayor nga programa sa edukasyon, tayuyun nga pagbuhin sang kaimulon kag ika-ayong lawas sang publiko. Ang gobyerno naghatag sa sini nga mga proyekto sang pinakadaku nga pundo sang P318.5 bilyones nga nagsaka sang 10.4 porsyento halin sa naligad nga tuig. (JCM/PIA6)