PIA Press Release
Wednesday, January 25, 2012Hiligaynon News: NFA nagapanawagan sa mga sosyo-sibiko nga grupo nga gamiton ro I RiceBy Venus G. VillanuevaKALIBO, Aklan, Enero 25 (PIA6) -- Nagpanawagan ro National Food Authority (NFA) sa mga grupong sosyo-sibiko sa Aklan nga gamiton ro I Rice sa andang paghiwat it mga libreng pagpakaon sa mga pobreng mga inunga. Ginpanawagan raya nga butang ni NFA-Aklan Manager Procopio Trabajo II bukon eamang agud mag-abo ro magabakae ag maga kunsumo it I Rice kundi mapapeayo man ro mga unga sa kakueangan it “iron” paagi sa pag kunsumo it I Rice. Suno kana, natun-an nga abu sa mga inunga sa Rehiyon 6 ro may kakueangan sa “iron” ag nagpanawagan man imaw sa Department of Social Welfare and Development (DSWD) ag Department of Education (DepEd) padayunon ro paggamit it I Rice sa andang mga “feeding programs” sa mga eskuylahan. Nagpanawagan man si Trabajo sa mga pinuno it mga kabanwahunan sa Aklan nga buligan man ro NFA nga ipaeapnaag ro mga benefisyo it I Rice sa andang mga pumueuyo. Ginhambae man ni Trabajo nga sa pihak nga may dugang nga “iron” ro I Rice, pareho man lang ro presyo it I Rice ag NFA Rice nga owa it “iron”. Ro pagbutang it “iron” sa bugas hay nakamando sa iidaeum it RA 8976 ukon Food Fortification Law. Ro “iron” hay sangka importante nga mineral nga kinahangean it eawas sa pagporma it “hemoglobin”. Sa idaeum it laye, ro iba pang pagkaon nga gina “fortify” hay arina, asukar, mantika ag iba pang pagkaon nga I “require” it National Nutrition Council (NNC). (JSC/VGV-PIA 6 Aklan) | 
